Urte honetan, gutxienez 45 dira Hego Euskal Herrian lan-istripuz hildako langileak, eta horiei Covid-19 pandemiaren ondorioz hildako langileak gehitu behar zaizkie. Laneko istripuei buruzko estatistikak beti dira onartezinak, baina aurten are onartezinagoak dira. Urteko hirugarren hiruhilekoan gaude oraindik, eta iazko istripu-tasara iritsi gara. Zifra beldurgarriak dira, koronabirusaren ondorioz lan-jardueran izan dugun geldialdia kontuan hartuta.
Beharrezkoa da, inoiz baino gehiago, enpresen arriskuen prebentzioari buruzko araudia betearazteko baliabide ekonomikoak eta giza baliabideak dituzten gobernuen eta erakundeen inplikazioa. Istripuak lan-prekarietatea areagotzen duten egiturazko arrazoi ezagunengatik gertatzen dira, kasu zehatz honetan azpikontratazioa bezala. Prebentziorik ez badago, langileek hiltzen eta gaixotzen jarraituko dute, enpresa-onura handiagoen kontura.
Asteazken honetan, irailaren 30ean, euskal gehiengo sindikalak elkarretaratzea egingo du Sondikan, Berreteaga Bidean dagoen industrialdearen sarreran, heriotzaren aurka protesta egiteko.
ELAk bizitza lanaren aurretik jartzea osasuna produkzioaren aurretik, eta laneko gaixotasun eta istripu berriak saihesteko beharrezko prebentzio-neurri guztiak jartzea. exijitzen du,