ELAk jakin ahal izan duenez, Gizarteratze, Gizarte Segurantza eta Migrazio Ministerioak irizpide tekniko bat eman du, eta bertan ezartzen da COVID-19 koronabirusaren ondorioz langileek jasandako prebentziozko isolamendu-aldiak gaixotasun arruntaren ondoriozko aldi baterako ezintasun-egoeratzat hartuko direla.

Irizpide horren arabera, eraginpeko langileek osasun-laguntza jaso behar duten arren eta aldi horretan lanerako ezinduta egon arren, istripu edo gaixotasun batek ez lioke zentzu hertsian eragingo, eta, beraz, oro har, kontingentziaren jatorri komuna ezartzen du.

ELAk bere gaitzespena adierazi du erabaki horren aurrean, eta eskatu du COVID-19 koronabirusaren kutsaduratik eratorritako prozesu guztiak lan-istriputzat har daitezela, enpresek eta administrazioak halakotzat jo ditzatela, eta eragindako langileei dagozkien laguntza-eskubide eta eskubide ekonomiko guztiak onar ditzatela.