ELA, LAB, CCOO, UGT eta ESK Gurutzetako Ospitalearen (Bizkaia), Donostia Ospitalearen (Gipuzkoa) eta Txagorritxu Ospitalearen (Araba) aurrean kontzentratu dira, Osakidetzako garbiketa-zerbitzuen, anbulantzien eta jantokien eta kafetegien publikotasuna eskatzeko. Zerbitzu horiek azpikontraten mende daude gaur egun. Salatu dutenez, funtsezko sektore batean lan-baldintzak eta lan-baliabideak prekarizatuta daude, eta arazo hori areagotu egiten da zenbait zerbitzu enpresa pribatuen esku uzten direnean, hala nola, garbiketa, anbulantziak, sukaldeak eta kafetegiak. Sindikatuen iritziz, pandemiak agerian utzi du pertsonen osasuna ezin dela negozioa izan, ezta interes pribatuen menpe egon ere.
Halaber, argi utzi du zeintzuk diren oinarrizko zerbitzuak ematen dituztenak, oso egoera gogorrean lehen lerroan egon direnak.
Hori dela eta, bat egin dute Osakidetzako sindikatuek larunbatean, urriak 3, helburu berarekin deitutako manifestazioarekin.