2024-06-11 12:56
ELAk eta CCOOk 2 lanuzte (ekainaren 17an eta 20an) eta greba egun bat (ekainaren 24an) deitu dituzte Gastezko Colisée Miñano erresidentzian. Zehazki, ekainaren 17an, 17:00etatik 19:00etara egingo da lanuztea; ekainaren 20an, berriz, goizeko txandan egingo da, 11:00etatik 13:00etara. Gainera, ekainaren 24a greba eguna izango da. Langileei erresidentzien eta etxebizitza komunitarioen estatuko hitzarmena aplikatzen zaie, eta horrek, besteak beste, honako ondorioak ditu: Lanbide arteko gutxieneko Solata ozta-ozta gainditzen duten soldatak; lanaldi luzeegiak; arazoak lana eta bizitza bateratzeko; eta prebentziorik eza lan osasunean. Egoiliarren kuota, ordea, % 6 eta 10 artean igo da.

Otsailean eta martxoan 6 orduko lanuzteak egin zituzten, beraz, guztira, langileek 18 orduko lanuzteak egingo dituzte. Ekainaren 17, 20 eta 24an grebalariek elkarretaratzeak egingo dituzte enpresaren aurrean, Miñao Mayor herrian.

 

 

 

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
ELA klase sindikatu abertzalea da, 1911n sortua eta egun 100.000 afiliatu dituena.