2019-07-10 11:49
Elorrioko udal-eraikin eta lokaletako garbikuntzako langile gehienak greba mugagabean daude apirilaren 29tik; eta joan zen uztailaren 5ean greba-batzordeko kideek greba egiten ez duen lankide bat aurkitu zuten grebalari bat ordezkatzen. Gertakari larri hori dela-eta, sindikatuak demanda bat jarri du, Eulen eta Elorrioko Udalaren kontra grebarako oinarrizko eskubidea urratzen ari delakoan, bai langileei dagokienez, bai sindikatu dei-egileari dagokionez.
ELAk eta grebalariek gatazkan zehar salatu izan dutena agerian geratu da gertakari horren bidez: enpresa eta Elorrioko Udala bera greba-eskubidea indargabetzen saiatzen ari dira, grebaren eragina ezkutatzen eta akordioa oztopatzen. "Horretarako, beren esku dituzten guztiak erabili dituzte; baina sektore horretako langileen antolamendu eta borroka duinaren bidez garaipen sindikal eta sozial handi bat lortuko da" adierazi dute grebalariek.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
