ARGIA.eus

2020ko abuztuaren 06a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2019-05-10 11:20
ELAk uste du ezinbestekoa dela mobilizazio soziala pentsioak hobetuko badira. Horregatik, bat egin du maiatzaren 11an Hego Euskal Herriko lau hiriburuetan izango diren mobilizazioekin, eta bere militanteak parte hartzera deitu ditu. Hauek dira hitzorduak: 12:00etan Gasteizen (Artium), 18:00etan Donostian (Alderdi Eder); eta 18:00etan Bilbon (Jesusen Bihotza) eta IruƱean (Gaztelu Plaza).

Sindikatuak honen inguruan hiru kontu nabarmendu nahi ditu: lehena, pentsio duinagoak lortu beharra; gutxieneko zenbatekoa 1.080 eurokoa izan dadila, Europako Karta Sozialean ezarritako irizpideen arabera; hirugarrenik,?entsioak berton erabaki behar direla.

Lehenik eta behin pentsio-sistema publikoa sendotu beharra dago. Pentsio-sistema osagarri edo pribatuak ez dira harentzako alternatiba. Beharrezkoa da pentsio-sistema publikoaren estaldura hobetzeko borrokatzea, eta azken hamarraldietan ezarri diren murrizketak bertan behera uztea. Izan ere azken hauek eragin dute pentsio berriak txikiagoak izatea, erretiro adina atzeratzea eta eros-ahalmena galtzea, batik bat, kontuan izanik jendarteko sektorerik ahulenek -esaterako, emakume pentsiodunek- dituzten pentsio kaskarrak eta pobrezia.

Azkenik, pentsioak berton erabaki behar dira. Gizarte-Segurantzari buruzko benetako erabaki-ahalmena beharrezkoa da. Kudeaketa eskualdatzeak ez du egungo pentsio ereduaren arazorik konponduko, are gutxiago EAJk eta PSE-EEk egungo gobernua osatzean adostu zuten moduan, partziala eta baldintzatua baita

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.