ARGIA.eus

2020ko urtarrilaren 24a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2019-11-26 13:03
ELAk bilera eskaera egin dio Arartekoari, Bizkaia, Araba, eta Gipuzkoako zahar egoitza eta eguneko zentroetan langile, erabiltzaile eta senideek pairatzen duten 'tratu txar instituzionala'-ri heltzeko. Erresidentzietan kalitatezko zaintza bermatzen ez dela berretsi du sindikatuak, eta egoerak okerrera egingo duela azpimarratu ere. Izan ere, salatu duenez, irailean Eusko Jaurlaritzak onartutako ratioen dekretu berriak egoera okertu besterik ez du egin. Dekretu horrek, besteak beste, egoiliar bakoitzari egunean eskaintzen zaion denbora zehazten du. Bada, ELAk aspaldi salatu bezala, bi ordu ere ez zaizkio eskaintzen pertsona bakoitzari egunean.

Sindikatuak gogora ekarri duenez, iragan den otsailean erresidentzietako ratioei buruzko kanpaina bat jarri zuen abian, hain zuzen, egun bakoitzean adineko bakoitzari eskaintzen zaion debora zehaztuz. Datuak argiak ziren: Bizkaian 60 minutu egunean; Araban 88; eta Gipuzkoan 92. “Beste modu batera esanda, bi ordu ere ez zaizkio eskaintzen pertsona bakoitzari”.

Gizarte eragile ezberdinek egin dute bat salaketa horrekin, baita Eusko Legebiltzarrak berak ere. Izan ere, urriaren 24an, dekretua berrikusi eta aldatzeko mozioa onartu zen.

Onartutako mozioan, dependentzia egoeran dauden pertsonak eta hauen zaintzaz arduratzen diren langileak zaintzaren sistemaren erdigunean jartzea exijitu zen, kalitatezko zerbitzu publikoa bermatzeko bidean.?

Ildo beretik, Arartekoak berak baieztatu zuen beharrezkoa zela gizartearen errealitate berrira egokitzea eta beharrizanei behar bezala erantzutea.

Azken urteotan aldarrikapen kolektiboa izan da ratioak hobetzea egoiliarrei eskaintzen zaien arreta hobetzeko. Aldarrikapen horretan eskutik helduta joan dira langile eta senideak. Hala ikusi zen Basauriko Bizkotzalde egoitzaren aurrean senideekin batera egindako elkarretaratzean.

ELAk mobilizazio berriak egingo ditu gaur egungo dekretua bertan behera utzi dezaten exijitzeko.

?

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
?>