Aernnova Aeroestructuras Alava enpresako enpresa-batzordeak enplegu-erregulazioko espedientearen prozesuan aktiboki eta pasiboki kaleratzeek izateko arrazoirik ez zutela esan arren, enpresak 82 kaleratze egitea erabaki zuen abenduaren 23an, otsailaren 1ean ondorioak izateko datarekin. Enpresak Berantevillako lantegiko langileen ia % 20 kaleratzea erabaki du, nahiz eta eskaerak aldi baterako jaitsi diren. Hori dela eta, ELAk kaleratzeak salatu eta baliogabetzeko eskatu du, horretarako arrazoi nahikoak ikusten ditugulako.

Egoera honen aurrean, enpresak neurri estrukturalik gogorrena hartu du: kaleratzeak. ELAtik berriro diogu ez direla enplegu-erregulazioko espediente baterako arrazoiak ematen, eta enpresak errefusatu dituen hainbat neurri proposatu ditugu. Beraz, egoera iraultzeko borrokan jarraituko dugu, bai epaitegietan eta baita kalean ere, urtarrilean greba eta mobilizazio egun ezberdinekin. Gaur, urtarrilak 7, izan da grebaren lehen eguna enpresaren erabakiaren ostean.