Kongresuaren hasieraren aurretik nazioarteko mintegi bat egon da, eta bertan nazioarteko sindikalismoaren erronka amankomunak aztertu dira, baita antolatu eta borrokatu beharra ere.

Mitxel Lakuntzak, mintegian egindako interbentzioan, prekarietateari aurre egitearen garrantzia azpimarratu du, greba borrokarako tresna gisa aldarrikatu du eta mobilizazioaren garrantzia eta aliantza sozialen potentziala azpimarratu ditu. Horren adibide gisa, urtarrilaren 30ean Euskal Herrian bizi izan zen greba orokor historikoa ekarri du gogora. Gainera, nabarmendu du ELAk bat egiten duela CGTP-IN sindikatuak bere Kongresuan aurkeztutako dokumentuaren edukiekin. Bertan elkarrizketa sozialaren mugak, prekarietateari aurre egiteko lehentasuna, grebarako eskubidearen defentsa eta subiranotasunaren eta internazionalismoaren defentsa azpimarratzen dira, besteak beste.