EAEko Justizia Auzitegi Nagusiak emandako epai batek arrazoia eman dio ELAri eta Ambuiberica zigortu du, bizitzeko eskubidea eta langileen osotasun fisikoa urratzeagatik. Hala, baietsi egiten du sindikatuak enpresaren aurka jarritako demanda, eta honako material hauek ematera behartzen du: FFP2 eta FFP3 maskarak; langile bakoitzaren tailerrarekin bat datozen bata/buzo integral iragazgaitzak; erabili eta botatzeko kanabera luzeko eskularruak eta bestelako eskularruak; langile bakoitzarentzako begi-babeseko betaurrekoak; eta gel hidro-alkoholikoa, hori guztia langile bakoitzaren sailkapenaren barruan. Halaber, agente biologikoen eraginpean dagoen arropa garbitzeko, deskontaminatzeko eta suntsitzeko sistema bat eduki beharko du Anbuibericak, betiere enpresaren kargura. Halaber, barruko gorputz bikoitzeko armairua eta ordezko jantziak esleitzea eskatzen zaio. Era berean, G2 poltsak eta edukiontzi espezifikoak eman beharko ditu, agente biologikoekin kutsatutako arropa gordetzeko eta zentroak garbitzeko eta desinfektatzeko; ahaztu gabe lanpostuen arriskuen ebaluazioa berrikusi eta eguneratu beharko duela.

Gainera, pandemia hasi zenetik langileek pairatzen duten egoeraren larritasuna jasotzen du epaiak. Izan ere, epaiketa egin zen unean, gutxienez 138 langile bajan zeuden koronabirusaren ondorioz. Egoera horretan, ELAk eta orain epaile batek berretsi dutenez, enpresak ez zuen inoiz neurririk hartu bere langileen segurtasuna babesteko. Hala, epai judizialaren arabera, "enpresak erreaktiboki jokatu du - Baita Auzitegi Nagusiaren errekerimenduz ere -, eta ez du hartu arriskua minimizatzeko legezko betebeharrekin bat datorren ekimen eraginkorrik", hori guztia Lan Ikuskaritzak behin eta berriz eskatu arren.

Azkenik, EAEko Justizia Auzitegi Nagusiaren epaiak ohartarazten du ez alarma-egoerak ez egungo krisiak ezin dituztela langileak beren eskubideez gabetu. Ondorioz, enpresak laneko segurtasunaren eta osasunaren arloan dituen betebeharrak bete behar dituela dioen epaia.