Covid-19ak eragindako inpaktuari aurre egiteko Europako Batzordeak maiatzaren amaieran Next Generation EU izeneko plangintza aurkeztu zuen. Europako Batzordeak Batasunaren aurrekontua indartzea proposatu du 2021-2027 aldirako (hau da, 7 urtetarako). Indartze horren barruan kokatzen da Next Generation EU plana, 750.000 milioi euroko zuzkidurarekin. Honakoa da proposamena: 500.000 milioi euro transferentzia edo diru-laguntza gisa eta 250.000 milioi mailegu gisa.

ELAren esanetan proposamenak ez die erantzunik ematen Covid-19aren ondoren bizi dugun osasun, ekonomia eta gizarte krisiaren ondorioz sortutako beharrei. Arazoen irtenbidea Europako funts horietatik etorriko den itxaropena sortzen ari da. Argi dago hori ez dela horrela izango, ez zenbatekoagatik, ez epeengatik, ez epeen xedeagatik, ezta ekarriko dituzten politiken baldintzengatik ere.

ELA Covit 19ko krisiari aurre egiteko, errenta handiei, enpresei eta kapitalei zergak igotzearen alde agertu da. Saihestu egin behar da defizit publikoaren igoerak gerora egiturazko doikuntzak ekartzea. Eta horrek zerga-politikaren erabateko aldaketa dakar, sindikatuaren iritziz.

Bestalde, Gobernuei helarazten zaizkien funts europarrek (kredituen edo transferentzien bidez) ez dute inolako baldintzarik jaso behar. Era honetan, aurrekontu murriztatzaileak eta austeritate politikak alde batera ustea eskatu du.

ELAren esanetan, da paradisu fiskalak erabat desegitea eta zerga-ihesa gehiago kontrolatzea ezinbestekoa da.

Mikel Noval arlo sozialeko arduraduna eta Xabier Zabala ikerketa bulegoko kideak hartu dute parte gaurko agerraldei publikoan.

Novalek bere harridura azaldu du gai hauetaz eztabaidarik ez delako izan hauteskunde kanpainaldian. " Zerga politika ez bada aldatzen eta errenta handiek eta enpresariek ez badute gehiago ordaintzen aurreko krisialdian bezala murrizketak etorriko dira", azpimarratu du.

ELAren proposamena irakurri