CCOOk greba hasi bezperan bertan behera uztea erabaki du, eta patronalari dei egin dio aldebakarreko hitzarmen proposamen bat aurkezteko, gainerako sindikatuak kontuan hartu gabe.

ELAk oso modu negatiboan baloratzen du CCOOren erabateko desleialtasuna, eta berehala gehitu zaio UGT. Ez du ezertarako balio Nafarroako lehen sindikatua izateaz harrotzeak, patronalari bakarrik mesede egiten dion desmobilizazioaren aldeko apustua egiten denean, sektorearen batasun sindikala hautsiz eta patronalari une oro bilatu izan duten hitzarmena oparituz: soldaten eguneratzea ez da nahikoa, erosteko ahalmenari eusteko bermerik gabe, eta aipatzekoa den beste edukirik ez.

Akordio horren bidez, CCOOk eta UGTk uko egiten diote negoziazioan zehar sindikatuek oro har defendatu duten guztiari, sektorearen egiturazko arazoei aurre egiteko (soldata-arrakala kentzea, lanaldi partzial orokortuak batez ere emakumeen artean mugatzea eta aurreko hitzarmenetako murrizketak berreskuratzea (bajen soldata-osagarria, antzinatasun-osagarriaren murrizketa...).

Horrez gain, garbiketa-lanari balioa emateari uko egiten dio; izan ere, sektore hori funtsezkoa dela frogatu da, eta, hori gabe, oinarrizko zerbitzuek ezingo lukete funtzionatu. Ikusezinak izatetik ezinbestekoak izatera pasatzeak aintzatespena izan beharko luke lan-baldintzei dagokienez, eta aintzatespen hori sektoreko langileei ukatzen ari zaie hitzarmen hau eta berau sinatzen dutenak.

Azkenik, sektorean lan egiten dutenei dei egiten diegu gaur, hilak 13, 11:00tan Gurutze plazara joateko, ELA, LAB eta Solidari sindikatuek batera egingo duten batzar informatibo batera. Bertan, gaurko astelehenean gertatutakoaren berri emango da xehetasun gehiagorekin.