2019. urtea hasi zenetik zazpi langile hil dira dagoeneko lan istripuetan Euskal Autonomia Erkidegoan. Egoera honen aurrean neurriak hartu behar dira: Osalanek eta Lan Ikuskaritzak gertatutakoa ikertu behar dute eta dagokionak erantzukizuna asumitu.

Izan ere, lan istripu guztien atzean beharginok pairatzen dugun prekarietatea eta enpresa logika bortitza daude, ekoizpena eta etekinak pertsonen gainetik jartzen diuten logika, hain zuzen ere. Kontuan hartu behar da gainera, portuan, bereziki, faktore asko batzen direla: lan baldintza kaskarrak; lan erritmo bortitzak; eta lanbide honek berez duen arrisku maila altua.

Lan istripua dela eta enpresaren jarduera eten egin da. Bihar, otsailak 20, hala enpresa batzordeak kontzentrazioa deitu du 10:00etan Bilboko portuan, Santurtziko sarbidean. ELAk, euskal gehiengo sindikalarekin batera, bat egingo du elkarretaratzearekin, lan istripu hau salatzeko eta arazo honi behingoz aurre egingo dioten ekintza eta politika zehatzak exijitzeko.