Hasieratik, langileok eta ELA-LAB-CCOO sindikatuok salatu genuen murrizketa bilatzen zuen erabaki politikoa zela eta gainera onartezina; urtero 56.000 pertsona inguru artatzen dituen programa da, eta Euskadin bakarra da. Gainera, 13 familia langabeziara bidaltzekotan zeuden. Ondorioz, langileek greba deitu zuten astelehenean hasita.
Grebaren testuinguruan, eta zenbait eskaera egin ondoren, Kontsumobidek langileekin biltzea onartu zuen, eta bileran konpromisoa hartu zuen datorren ikasturterako lizitazioa uztailean egiteko, aurrekoen oso antzeko baldintzetan. Beraz, diru-zuzkidurari, xedeari eta plantillari eusteko konpromisoa hartzen dute. Badirudi, berriz ere, langileen borroka sindikala eraginkorra dela murrizketak geldiarazteko eta enplegua defendatzeko.
Ekainaren 26an amaituko da greba. Hala ere, zerbitzuko langileok adi gaude, eta ez dugu baztertzen mobilizazio gehiago egitea Kontsumobidek emandako hitza betetzen ez badu. Beharrezkoa den zerbitzu publikoaren etorkizuna dago jokoan, gure etorkizuna eta gure familiena, eta ez gara fidatzen gu desagerrarazteko asmoa erakutsi duen erakundeaz.
Horregatik, Kontumobideri eta Turismo, Merkataritza eta Kontsumo Sailari eskatzen diegu emandako hitza ahalik eta lasterren jaso dezatela paperean. Eta, orain arte bezala, plantilla zuzen-zuzenean subrogatzea bermatuko duena.