ELAk greba mugagabea deitu du Bergarako Betiko Industrian apirilaren 19tik aurrera, enpresa hitzarmenaren alde. Errodamenduak egiten dituen Industria Betiko etekin handiak lortzen ari da, eta apenas nabaritu du Covidak eragindako krisia. Hala ere, zuzendaritzak hilabeteak daramatza sindikatuen aldarrikapenei entzungor egiten. Zehazki, ELAk % 1,5eko soldata igoera eskatu du 2021erako eta osagarriak hobetzea gaixotasun arruntagatik eta gaueko lanetako bajengatik.