Iruñeko Aita Menniren enpresa batzordeak (3 ELA; 3 CCOO, 2 LAB; 1 UGT) zuzendaritzari eman dizkio langile guztien sinadurak, ordezkaritza sindikalari babesa emanez eta lan hitzarmen berri bat aldarrikatuz bildutakoak, hain zuzen ere. Enpresak, aldiz, behin eta berriz kendu ditu legezko lan baimenak, eta langileen arteko tirabirak sortu nahi izan ditu oporren kontura.

Enpresa batzordeak hitzarmen berrirako plataforma aurkeztu zuen baina zuzendaritzak beste dokumentu bat aurkeztu zuen, atzerako bidean zihoana. Gauzak horrela, enpresa batzordeak langileen batzarra deitu zuen egoera azaltzeko. Bertan, langile guztiek zuzendaritzaren eskaintza errefusatu zuten, eta batzordeen plataformaren alde agertu ziren denak.