Aiala Vidrioko (Vidrala taldea) langileek hitzarmenaren aurre-akordioa berretsi dute, Enpresa Batzordeko kideek sinatu dutena.
Akordioaren eduki nagusiak hauek dira:
- Indarraldia: 2018-2019-2020-2021.
- Soldata-igoera: KPI+1 urte bakoitzean eta kontzeptu guztietan.
- Aipaturiko soldata-igoera horiei gehitu behar zaizkie zenbait plusetan egindako igoerak, guztira beste %1 osatzen dutenak urte bakoitzean. Soldata-igoera orokorra, beraz, KPI+2koa da urte bakoitzean.
- 55 urtetik gorakoei egun batez murriztuko zaie lanaldia, eta hirurteko bakoitzeko beste egun bat.
- Kontratazio berriak egiteko irizpideak ere arautu dira. 2017/01/01eko garaian Aiala Vidrioko langileek egiten zituzten lanak ezin izango dira azpikontratatu. Neurri horien bidez kontrataziorako irizpide objektiboak ezartzea eta Aiala Vidrioko lana duina izatea bilatzen da, egitura-lanak azpikontratatu gabe eta lan-baldintzak prekarizatu gabe.
ELAk oso ondo deritze hitzarmen berriaren edukiei. Aurrerapauso nabarmenak eman dira lanaldia banatzeko arloan, baimen ordainduetan, lanaldia antzinatasun-urteen arabera murriztean, kontratazio berrietan eta enpresaren puntu jakin batzuetan.
Akordioa, gainera, langileen antolakuntza-gaitasunaren eta ELA Atal Sindikalaren lidergoaren emaitza izan da.
Lan handia egin behar izan da aldez aurretik, baina afiliatu maratz askoren ahaleginak eta antolamendu ona emankorrak izan dira (ELAk 9 ordezkari ditu 13tik). Hitzarmena ez da zerutik jaitsi. Zuzendaritza oso temati agertu da, eta 7 greba-egun egin behar izan dira. Hori dela-eta, enpresak bere jarrera tematia aldatu, eta irabazien zati bat etekin-sortzaileen artean banatzea onartu behar izan du.
Azkenik, ELAk zorionak ematen dizkie atal sindikalari eta langileei lorturiko edukiengatik.