Azken bi ikasturtetan gauzatu den 26. greba eguna eta ikasturte honetako 23. da gaurkoa. Eta gaur ere babes oso zabala izan du. Beste behin ere, 3.500 langiletik gora batu gara Bilboko manifestazioan, ikastetxeetan lan baldintzen okertzearen ondorioz bizi den nahigabe orokorraren erakusgarri. Izan ere, sektore honetako langileok 10 urte daramatzagu lan hitzarmena berritu gabe.
ELA, STEILAS, CCOO, LAB eta UGT sindikatuok egoerari irtenbide egoki bat eman, negoziazioa bideratu eta langileen eskaerei erantzun serio bat emango dioten adostasunak erdiesteko helburuan berretsi dute. Helburu horrekin eman dituztela azken urteetako pauso guztiak, bereziki azken hilabeteetakoak.