ELAren iritziz, sumingarria da justiziak plantillari arrazoia ematen dion bitartean, enpresa legez kanpoko erabakiak hartzen aritzea, kaleratutako langileak lanpostuetara itzuli ez direlako. Ildo horretan, ELAk berriz ere eskatu dio PCB-ITPko zuzendaritzari jarrera aldatzeko, epaiak benetan betetzeko, errekurtsoak kentzeko, eta negoziatzeko eta konponbideak bilatzeko eser dadila.

Hori gertatzen ez den bitartean, sindikatuak borroka sindikalarekin eta juridikoarekin jarraituko du, langileen eta zuzendaritzaren arteko oreka lortzeko tresna bakarra baita.

Epai horrek bat egiten du aurreko biekin, eta arrazoi ematen diote ELAri, bai 2020ko ABEEan, bai EEEan; horren bidez, 83 pertsona kaleratzen saiatu ziren, eta 60 egun baino gehiagoko greba eragin zuen. Harremanak prepotentzian eta negoziaziorik ezean oinarritzen dituen zuzendaritzaren aurkako borroka sindikal eta juridiko planifikatua fruituak ematen ari da.

ELAk nabarmendu du, azkenik, Administrazioaren kontrolik gabeko EEEen txapuza-mota horiek Lan Erreformaren babesean daudela. Indargabetu gabe igarotzen den egun bakoitzean, mozkinak maximizatu nahi dituzten enpresek kaleratze arbitrario berriak egiten dituzte, kasu honetan, hobeto saltzeko.