Udaberri honetan, berriz ere, II. Hiri Zuhaitzaren Astea Basaurin – #basaurikoarbolak ospatuko dugu, oraingo honetan maiatzean zehar burutuko ditugun hainbat jarduerarekin.

Zuhaitzak funtsezkoak dira planeta osoaren bizitzarako eta bertan bizi diren izakien osasunerako, bai ingurune naturalean basoak eratzen ari direnak, bai gure herri eta hirietan lagun ditugun hiri-zuhaitzak. Horiek guztiek klima-aldaketa eta biodibertsitatearen galera arintzen laguntzen dute, planetak gaur egun dituen arazo larrienetako bi.

Udalak planak eta araudiak iragartzen dizkigu, hala nola “Klima Aldaketaren ondorioetara Egokitzeko Plana” edo “Berdeguneei, lorezaintzari eta hiri-zuhaitzen babesari eta kudeaketari buruzko ordenantza”, gure zuhaitzak babesteko tresna erabilgarriak izan beharko liratekeenak. Baina, oraingoz, ez dirudi araudi horiek neurri zehatzak hartzen ari direnik, eta gure zuhaitzak gaizki tratatzen, mozten eta mutilatzen ari direla ikusten jarraitzen dugu, haiek mantentzeko eta zaintzeko ahalegin larririk egin gabe.

Duela hiru urte, Sagarrak-Ekologistak Martxanek “Basauriko zuhaitz esanguratsuen #basaurikoarbolak” kanpaina abiarazi zuen, hiriko zuhaitzak balioesteko eta horien babesaren, kontserbazioaren eta biztanleria handitzearen garrantzia adierazteko. Kanpaina honen baitan, 2022an Basaurin Hiri Zuhaitzaren II. Astea antolatu dugu, honako jarduera hauekin:

• “Basauriko zuhaitz esanguratsuak” erakusketa:

– Basozelai Gizarte Etxea (maiatzaren 2tik 15era, Ast-Ost 9:00-14:00, 15:00-21:30, L 9:00-13:45)

– Kareaga Gizarte Etxea (maiatzaren 16tik 30era, Ast-Ost 10:00 -13:15 / 16:30 – 20:15)

• “Ibilaldi gidatua Malmasineko baseko zuhaitzetatik: Basozelaitik tiro-eremura”. Ibilbide gidatua, Eduardo Renovales Ekologistak Martxan taldeko gidari naturalistaren eskutik (maiatzaren 8an, 11:00etan, izena eman behar da: maiatzaren 5a azken eguna).

• “Gure baso eta zuhaitzei begirada bat iraganetik” hitzaldia (euskeraz), Ander Ros Onomastika Elkarteko kidearekin (maiatzaren 12an, 19: 00etan, Ibaigane Kultur Etxean, izena ematea beharrezkoa da: maiatzaren 10a azken eguna).

• “Zubitik zubira: Urbi eta Artunduaga arteko zuhaitzak ezagutzeko ibilaldi gidatua”, oraingo honetan Javi Garridorekin batera (Hiri-zuhaitzen Teknikaria) (maiatzaren 22an, 11: 00etan, izen-ematea egin behar da: maiatzaren 19ª azken eguna).

Informazio gehiago hemen.

Animatu eta parte hartu!

#basaurikoarbolak

La entrada Sagarrak – Ekologistak Martxanek Hiri Zuhaitzaren II. Astea antolatzen du Basaurin se publicó primero en Ekologistak Martxan - Euskal Herria.