Imanol Pradalesek Bizkaiko Batzar Nagusietan (2022/04/27) adierazi duenez, Errekaldeko saihesbidearen proiektuak itxaron egin beharko duela, aurrekonturik ez dagoelako; adierazpen horiek direla eta, Autopista Kanpora auzo-plataformatik gure nahigabea eta ezinegona adierazi nahi dugu, eta Errekalde auzoa bitan zatitzen duen munstroa ahalik eta lasterren eraisteko aldarrikapena egiten jarraitzeko erabakia berresten dugu.
Ildo horretan, lehen neurri gisa, maiatzaren 19an, 19:30etan Errekaldeko plazan egingo den mobilizaziorako deialdia egiten dugu.
Imanol Pradales jaunak, agian, pentsatuko du Errekalde auzoan bizi garenok, oro har, eta plataforma honetan parte hartzen dugunok, bereziki, bigarren mailako herritarrak garela eta memoriarik gabekoak gainera. Hau errealitatetik oso urrun dago.
Berak, eta berarekin Bilboko Udalean eta Bizkaiko Foru Aldundian erantzukizun instituzionalak partekatzen dituztenei esan nahi diegu, aitzakiaz, gezurrez, engainu-saiakerez eta bete gabeko promesez betetako motxila bat daramatela bizkarrean, honako mugarri hauetan laburbil daitekeena:
Aurreko guztia nahikoa ez balitz, aurretik hartutako beste “konpromiso” batzuk aipatzen dizkigute. Hegoaldeko Saihesbide Metropolitarra (Supersur) bezalako megaproiektua, Bolintxu bezalako ingurune naturalak malapartatuta utziko dituena, Lamiakoko urpeko tunela, edo lehenetsiz joan diren beste proiektu askoren ondorioz aurrekontu-partidarik ez dagoelako, gure aldarrikapena oraingoa ez dela kontutan izan gabe. Gogoan izan Errekaldek 47 urte baino gehiago daramatzala autobidea jasaten eta desagertzeko eskatzen.
Guzti honekin berresten dugu argi dagoela bizkaitarrak gobernatzen dituzten erakundeek ez dituztela pertsonak proiektuen gainetik jartzen, baizik eta proiektuak pertsonen gainetik, eta egi hau lau haizetara zabaltzen jarraituko dugu.
Amaitzeko, eskerrak eman nahi dizkiegu gure aldarrikapen justu eta logikoa babesten jarraitzen duten pertsona, alderdi politiko eta gizarte-erakundeei, eta dei egiten diegu deitutako mobilizazioetan parte har dezaten.
Utzi gezurrak eta aitzakiak. Jar itzazue pertsonak interes ekonomikoen gainetik.
Autopista Errekaldetik Kanpora!
La entrada Autopista Errekaldetik Kanpora plataformak errefusatu egin du Errekaldeko saihesbidearen proiektua atzeratzea, aurrekonturik ez dagoelako se publicó primero en Ekologistak Martxan - Euskal Herria.