2021-02-07 12:23

Zaldibar Argitu plataformak deituta, Eibar, Ermua, Zalla, Etxebarria, Elgeta, Markina-Xemein eta Zaldibarren bertan bobilizazioak egin ziren atzo, Verter Recycling zabortegia bertan behera erori zeneko urteurrenean.

“Urtebete Zaldibar argituz, ez dugu ahazten” lemapeko mobilizaziootan, Alberto Sololuze eta Joaquin Beltran hildako langileak gogoratu (oraindik Beltranen gorpuaren bila dabiltza) eta desastre harengatik erantzukizun penal eta politikoak errebindikatu ziren.

Erantzukizun penalei dagokienez, kausa Durangoko epaitegian instruitzen ari da, eta, egia esan, urtebetean ezer gutxi aurreratu da. Erantzukizun politikoei dagokienez, berriz, batere ez, Eusko Jaurlaritzak, errealitateari uko eginez, ez baitago inolako erantzukizunik bere gain hartzeko prest.

Halaber, hondamendia gertatu eta berehala hondakin-politika eraberritu edo “doitu” behintzat beharko zela esan zuten arren, urtebete geroago ez dago horren arrastorik.

Honetaz guztiaz informazio gehiago aurkituko duzue Zaldibar Argitu plataformaren beraren facebooken:

(20+) Zaldibar argitu | Facebook

La entrada Urtebete Zaldibar argituz, ez dugu ahazten aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/