ARGIA.eus

2020ko apirilaren 04a

Eragileen plaza!

SORTU KONTUA
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/
2019-10-16 21:35

Oria zabortegi bihurtuta dago Beasainen. Horren lekuko dira Joxe Martin Arana kaletik ibai ertzera jaitsita ikus daitezkeen honako irudi hauek:

https://www.youtube.com/watch?v=8PPIx9vunMk&feature=youtu.be

Gauzak horrela, Udalak lehenbailehen garbitzeari ekin behar dio. Ahal dela, Foru Aldundiarekin edo Ura agentziarekin elkar hartuta, baina Udalak ekin behar dio. Ez du balio pilota elkarri pasatzen ibiltzea.

Ur handiak etorriko dira, bestela, eta irudietan ikusten diren zabor horiek guztiek berandu baino lehen itsasoan bukatuko dute.

Espantuka aritzen gara ozeanoan kontinente baten adina azalera duen plastiko multzo bat badagoela entzuten dugunean, edo hango eta hemengo hondartzak hondakinez estalita ikusten ditugunean. Baina ez omen gara gauza irudi horien eta geure eguneroko praktiken arteko loturarik egiteko. Izan ere, itsasoan gertatzen dena geure etxe parean hasten da, kasu honetan, Joxe Martin Arana kalean.

Oria ibaia. Joxe Martin Aranan kalea (1)Tartean behin ibai ertzak garbitzeaz gain, Udalak beste neurri batzuk ere har ditzake. Esaterako, burdin-sare batzuk jar zitzakeen ibai ertzeko barandilla azpian plastiko eta beste zaborrak ibaira eror daitezen eragozteko. Premia badago, behintzat, honako bideo honetan ikus daitekeen bezala:

https://www.youtube.com/watch?v=vsRk0dzL_s8&feature=youtu.be

Azkoitian horrelako burdin sareak ipini dituzte, eta funtzionatzen dute. Azpeitian eta Tolosan ere aurki ipiniko dituzte, eta Zestoan dagoeneko aurrekontua eskatu dute. Legazpin, Zumarragan eta Ordizian ere aukera aztertzen hasi dira.

Beasainek ere erronka handia du, herritarrak hezten eta, tokatzen denean, zigortzen, zeren eta jarrera batzuk ez baitira inolaz ere onargarriak, ez dute leungarririk. Baina ezer baino lehen, Udalak etsenpluaren bidez predikatu behar du eta ibaia garbitzeari ekin behar dio.

Eguzki, 2019ko urrian

Oria ibaia. Joxe Martin Aranan kalea (3) Oria ibaia. Joxe Martin Aranan kalea (2)

La entrada Oria zabortegi bihurtuta dago Beasainen aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
?>