2020-11-19 23:14

Zumaiko herritar bati (Naturkonen elkartekidea) gertatutakoa salatzeko idazten dugu oraingoan. Iraila bukaeran konturatu zen Urolako babestutako eremuan zati bat erre zela eta pentsatu zuen Baleike aldizkarian salatu behar zuela baina ez epaitegian. Herritarrei jakinaraztea zen helburua eta ardura duten guztiak (Kostas, Foru Aldundia, URA agentzia eta Udala) jakinaren gainean uztea.

Joan zen bertara argazki batzuk ateratzera, kontua dokumentatuta gera zedin, eta aprobetxatu zuen Urola guztian gertatzen diren erabilera desegokiak mahai gainean jartzeko. Erre zuten eremuan hormigoia botea zuten eta berriro jakinarazi zien eremuaren ardura duten organo guztiei. Ez dugu ahaztu behar toki hura Natura 2000 Sareko eremu babestua dela. Espediente bakoitzak bere bidea hartu zuen (askotan ez dugu jakiten nola bukatzen diren espediente horiek) eta noizpait izapidetuko da erantzuna, erantzunik bada.

Igande arratsaldean ilundu arte egon zen araztegitik aurrera eta kotxera bueltatutakoan sorpresa hartu zuen, kotxea kalte ugari propio eginda aurkitu baitzuen. Hori dena gertatu da agintariek eta eskumenen ardura duten organoek ez dutelako betetzen beren funtzioa; areago, ez dutelako bete nahi izaten, eta horregatik herritar partikularren bizkarrera erortzen dira behin eta berriz ardura horiek. Naturaren alde lan egiten duen herritar honek ordaindu behar izan du batzuen arduragabekeria eta beste norbaiten basatikeria.

Gure lagunak jaso duen erasoa salatu nahi dugu, eta gure elkartasuna adierazi hari. Eta Zumaiko Udalari, URA agentziari eta Aldundiari eskatu nahi diegu legea bete eta betearaz dezatela.

Naturkon.

La entrada Naturkonen kide batek erasoa jasan duela salatu dute eskutitz bidez aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/