Eusko Jaurlaritzak Subijanako gas-putzua ikertzeko duen asmoaren inguruan Arantxa Tapiak egindako adierazpenen aurrean, “aukera hori ez da ixten Klima Aldaketaren Legeak eragotzi arte”, Eguzkik salatu egin nahi du Eusko Jaurlaritzako ordezkarien eta, bereziki, Arantxa Tapiaren gizarte eta ingurumen kontzientzia falta, bai eta klima aldaketaren aurka agertu izana ere.

Alde batetik, euskal gizarteak argi eta garbi esan du ez duela fracking-ik nahi, ez eta gas-erauzketarik ere, ez ingurumen-afekzioengatik ezta errentagarritasun ezagatik ere,  hau ez baita posible baliabide eta laguntza publikoak energia-korporazio handien zerbitzura jartzen ez badira.

Ez dugu esplorazio-prozesu kamuflaturik nahi, hala nola ikerketa innokuorik edo ondorio gaiztorik gabeko ikerketarik, ezta milaka putzu ustiatzeko helbururik ere, eremu jakinetara mugatutako baimenen eta negozioen karrera ero horretan azaldu dutenez.

2019-09-27, Bilbo. Klima aldaketaren kontra greba Euskal Herrian.

AEBtan garatutako esperientziatik abiatuta egiaztatutako ebidentzien arabera, arbel-gasa ateratzeak lurpeko eta azaleko urak kutsatzeko arrisku handia dakarrela iradokitzen dute, eta EAJren eta PSEren betebeharra da, unerik galdu gabe, baimen horri uko egiteaz eta geldiarazteaz gain, guztiak baztertzea, SHESAren xedea aldatzea eta EVEren eta euskal administrazio guztien lehentasunak eta inbertsioak alderantzikatzea.

Eusko Jaurlaritzak, erauzketa-teknika oso arriskutsu bat inposatuz, bizkarra ematen dio administrazioek ingurumena zaintzeko duten betebeharrari. Eta oraindik ez dago jasota ikerketa eta putzu horiei berariaz uko egiten zaienik, ezta SHESA eta EVE osasunaren eta ingurumenaren aurka egiteko erabiltzeari ere.

Eguzki talde ekologistaren ustez, gas putzuak babesteko politika hau, ikertzeko naiz ustiatzeko asmoz, ez da soilik  baimenaren ondorioz kaltetutako eremuen aurkako erasoa, lurralde osoari zuzendutako esplorazioaren eta esplotazioaren aldeko apustuaren bidean, zalantza iturri eta abisua ere bada. Zehazki, gas putzuen defendatzaileek burugogorkeria eta inposaketa erakusten dute baita herritar guztiekiko konpromiso falta handia ere.

Eguzkiren ustez, herritarrentzako ageriko kalte, ondorio eta arrisku guztiak ezkutatzen dituen energia-negozio horren aurrean, beharrezkoa da gogoeta egitea daukagun gizarte kontsumo- eta energia-ereduari buruz, eta jokabide eta politika guztiak kontsumoa eta eraginkortasuna murriztean oinarritutako energia-eredu jasangarri baterantz bideratzea.

Arantza Tapia Eusko Jaurlaritzako Garapen Ekonomiko, Jasangarritasun eta Ingurumen Kontseilaria.            Argazkia: Baleike.

Aldaketa klimatikoa ukatzearen eta gasaren erauzketa laguntzearen aurrean, ikerketak esplotaziora bideratutako korporazioen azterketa errazteko beste helbururik ez duenez, gauzak egiteko beste eredu posible eta beharrezko bat nahi dugu eta gasaren esplorazioaren eta erauzketaren ondorio negatiboen aurkako energiak batzeari bai esaten diogu.

Eguzki Gasteizen, 2020ko azaroaren 28an.

La entrada Eusko Jaurlaritzari gas-proiektu guztiak bertan behera uzteko eta Shesa desegiteko eskatu dio Eguzkik aparece primero en Eguzki Talde Ekologista.