2022-07-20 16:51

Donostiako Aste Nagusian zezenketen kontra urtero egin ohi den manifestazioa aurten ere egingo da, zehatz-mehatz, abuztuaren 13an, 18:00etan.

Deialdia gaur bertan egin du prentsaurreko baten bidez Gipuzkoako Plataforma Antitaurina sortu berriak. Eguzkik ere parte hartzen du plataforma horretan.

Honako bideo honetan prentsaurrekoa ikus dezakezue:

https://youtube.com/watch?v=Rz1BTYJR51U&feature=share

    Gaur, Donostiako Udaletxean bertan eskainitako prentsaurrekoa.

Gaur, Donostiako Udaletxean bertan eskainitako prentsaurrekoa.

Hemendik aurrera, berriz, prentsaurrekoan irakurri den testua…

ZEZENKETARIK EZ!

Prentsaurreko honen helburua honako hau da: herritarrei deitzea abuztuaren 13an, 18:00etan, Donostiako Bulebarretik abiatuta egingo den manifestazio antitaurinoan parte hartzera.

Manifestazioa antolatu dugu aurten ere Udalak, herritarron borondateari jaramonik egin gabe, Illunben zezenketak egitea ahalbidetu duelako. Udal gobernuak berak enkargatzen dituen inkesten bitartez, ondo baino hobeto daki herritarrok gai honi buruz zer iritzi dugun: zezenketarik ez!

Halaber, salatu nahi dugu Udalak ez duela inolako gogorik herri galdeketa bat egiteko debekuak ezarri zuen oztopoa gainditzeko. Are gehiago, salatu nahi dugu debeku horren atzean ezkutatzen dela zezenketetan duen erantzukizuna saihesteko.

Tamalgarria da Donostiako gobernuak festetan animaliekiko tratu txarrak onartzea, zezenketarik nahi ez duten herritar gehienen iritziaren kontra. Nolanahi ere, zezenketak festa-programa ofizialetik ezabatzea ez da nahikoa. Udalaren esku dago zezenketa gehiago ez egitea eta, hala ere, jarraitzen du onartzen eta erraztasunak ematen.

Jendarte moderno batek ezin du animaliekiko tratu txarra onartu. Ez dugu amore emango historiaurreko sarraski edo odoluste hori gure herrietatik desagertarazi arte. Hori gertatzen ez den bitartean, jarraituko dugu zezenketen kontrako mobilizazioak egiten.

Horretarako sortu da Gipuzkoako Plataforma Antitaurina, hainbat gizarte mugimenduk zein norbanakok osatua, oinarri askotarikoa duena. Gipuzkoako Plataforma Antitaurina Donostian ez ezik zezenketak onartzen dituzten Gipuzkoako beste zenbait herritan ere jarduteko asmoa du.

Gauzak horrela, abuztuaren 13an, 18:00etan, Donostiako Bulebarretik abiatuko den manifestazioan parte hartzera deitzen dizuegu.

-5828184756142061883_97-5929409047429123774_1109 (1)

La entrada Aurten ere zezenketen kontrako manifestazioa egingo da Donostiako Aste Nagusian aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/