Patricia Tornerok eta Isidro Tapizek gazta egiten dute, baina ez edozein gazta. Merkatuan erraz aurkitzen ez diren produktuak eskaintzearen aldeko apustua egin dute: gazta urdina, pasta prentsatukoa eta pasta bigunekoa. Horretarako, familia-ustiategi txikietako esne ekologikoa erabiltzen dute, behi zainduak, animalien ongizatea kontuan hartzen dutenak. Hileko lehen larunbatero, EKOmerkatuan aurkituko dituzu Pittikako gaztak.