2018-07-12 13:32

  • La Oca Nicolasan egindako borroka sindikalak "enpresan langileen eskubideak errespetatzea lortu du", esan du CNTk.
  • Enpresa, langileei 35.000 euro ordaintzera zigortua izan da.

Sail sindikaleko kideek "antolatu ostean beraien eskubideak berreskuratu dituzte, behe-mailako soldata maila kobratzen, kobratu gabeko orduak eta kontraturik eta Gizarte Segurantzan kotizatu gabe egon zirela salatu ostean", esan du CNTk. Gainera, enpresako arduradunak, kaltetutako langileei 35.000 euro baino gehiago ordaintzera kondenatuak izan dira.

Prozesu luze bat eta sei epaiketen ostean, azkenean, "gatazkaren ebazpena sail sindikalaren aldekoa izan da", aditzera eman du erakunde anarkosindikalistak. Juridikoki salatzeaz gain, gatazka ezagutarazteko eta ostalaritzako sektorean hain hedatuta dauden esplotazio eta prekarietatea salatzeko CNTk mobilizazio dinamika bat hasi zuen.

"CNT sindikatuak era baikorrean ikusi dugu erabakia, baita Barakaldoko herriak langileekiko erakutsitako laguntza eta elkartasuna ere", bukatu du erakundeak.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Bartzelonan, 1910an, ideia sozialdemokratekin loturik ez zeuden langile-elkarteek sortua, CNTk anarkosindikalismoaren oinarriei irmo eusten die eta, estatuan, Lehenengo Internazionalaren izaeraren oinordeko bakarra da. CNT, gaur egun norabide politikoen menpekotasunik gabe mantentzen den sindikatua da; erabakiak hartzen dituztenak, afiliatuak dira eta ez sindikalismoaren profesionalak, Estatuaren eta patronalaren finantziaziorik gabe bere independentzia ekonomia gordetzeko, eta negoziazioak bitartekoen eskuetan uzten ez dituena.