2020-08-25 09:26
Bilbo, 2020/08/24
Bilboko Konpartsen ordezkaritza batek parte hartu dugu Bizkaiko Pentsiodunen Mugimenduak Bilbon egindako mobilizazioan.
Konpartsek pentsio duinen eta osasungintza eta zerbitzu publikoen aldeko ekimen horretan parte hartu nahi izan dugu, Aste Nagusiko astelehena izango litzatekeen egun triste honetan, pentsiodunei eta geuren aldarrikapenei erabateko babesa adierazteko. Konpartsakideek Teknikariok sindikatuari eman genioten babesa joan den zapatuan, eta orain dela lau hilabete euskal kulturgintzaren grebarekin egin genuen bat Bilboko Konpartsak federazioak.
The post Pentsiodunekin bat egin dugu Bilboko konpartsok appeared first on Bilboko Konpartsak.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
1978an, hainbat faktoreren metaketaren ondorioz sortu zen Bilboko jai eredua. Eredu hau bakarra dugu munduan, konpartsek -herri jatorriko taldeak- Aste Nagusia sortzeko eta antolatzeko duten rol garrantzitsuagatik. Denbora asko igaro da ordutik, bai, baina batzuek, euren besaulkitik egungo gizartearen pasibotasuna aldarrikatzearekin batera “urte zoragarri haiengatik” krokodilo negarrak isuritzen dituzten bitartean, Bilboko jai eredua zuzendu beharreko arazotzat daukate, goitik behera antolatuz, agintekeria behingoz inposatzeko desiatzen baitaude.
Bilboko Konpartsen Federazioak, aldiz, ilusio hartako sugarra pizturik mantentzen du: gogotik egiten dugu lan urte osoan eta gure helburua jaiak -Aste Nagusia, San Tomas, inauteriak eta auzoetako jaiak- herritarrek herritarrentzat eginak izatea da. Elkarbizitza posible dela uste dugu, ezberdintasunetik eta iritzi aniztasunetik. Instituzioek bakarrik antolatutako jaien ereduarekin konforme ez gaudenok konpartsetan biltzen gara. Konpartsok ezberdinak gara, jaia gara
