Lanabes – Araban Euskara Lanean egitasmoaren helburu nagusiak dira Arabako alor sozioekonomikoan euskararen presentzia sustatzea, txertatzea eta handitzea.
Proiektuaren barruan, 2019ko azaroan antolatuko dugun jardunaldi baten bitartez, Arabako enpresak gonbidatu nahi ditugu euren eguneroko kudeaketan euskara ere barneratzera, bezeroekiko zein hornitzaileekiko harremanetan baliatzera, eta hizkuntza, barrura eta kanpora begira erabiltzera. Euskara sustatzeak eta erabiltzeak ekar ditzakeen onurak azaldu nahi zaizkie partehartzaileei, langintza horretan ari diren enpresen esperientzien eta lekukotasunen bitartez.
Horretarako, Araban erreferentea den EGA MASTER enpresak eta Euskaragileak Enpresa Batzordearen ordezkaritza batek parte hartuko dute jardunaldian.
Jardunaldia SEA – Arabako Enpresak eta Bai Euskarari Elkarteak antolatuko dute, Arabako Foru Aldundiaren babesarekin, Lanabes proiektuaren barruan.
08:45 - 09:00 Harrera EGA MASTERren
09:00 - 09:15 Jardunaldiaren aurkezpena.
09:15 – 09:45 EGA MASTERren esperientziaren azalpena.
09:45 – 10:15 FAGOR AUTOMATION. Euskaragileak enpresa batzordeko kidea.
10:15 – 10:45 Solasaldia (Ega Master + Fagor Automation)
10:45 – 11:15 EGA MASTERren bisita
11:15 – 11:30 Agurra + koktela
Parte hartu nahi baduzu, eman izena inprimaki hau beteta.