Bai Euskarari Elkarteak, Arabako Foru Aldundiaren laguntzarekin, 'Lazarraga Sariak Eredu' topaketa antolatu du datorren azaroaren 28rako. Ekimenaren helburua da 2024an Lazarraga Saria jaso zuten hiru entitateen esperientzia eta praktika onak gertutik ezagutzea, euskararen presentzia arlo sozioekonomikoan sustatzeko eredu gisa.
Goizeko 10:00etan hasiko da jardunaldia, Laudioko Grafik Sarea enpresaren egoitzan. Bertatik, parte-hartzaileek 2024ko hiru saridunak bisitatuko dituzte: Grafik Sarea bera, Sartu Álava eta Hyundai Eska. Hiru entitateek euren instalazioak eta lan-giroa erakutsiko dituzte.
Bisita sortaren ostean, topaketako azken geltokia Aiaraldea Ekintzen Faktoria izango da. Bertan, hamaiketakoa eta aurkezpen ezberdinak egingo dira 2024an Lazarraga Saria jaso zuten entitateen eskutik: Grafik Sarea, Sartu Alava, Hyundai Eska, Elkar eta Jimmy Jazz.
Aurkezpenetan, bost entitate saridunetako ordezkariek urte hauetan euskara beren egunerokoan txertatzeko eman dituzten aurrerapausoak, izandako erronkak eta lortutako praktika onak zabalduko dituzte gainerako parte-hartzaileen aurrean.
Esperientziak partekatzeko eta beste eragile batzuk inspiratzeko gune bat izango da. Etorri nahi baduzu, eman izena hemen:
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
