Bai Euskarari Ziurtagirien banaketa-ekitaldia egin zuten ostiralean, martxoaren 15ean, Barañainen, 37 enpresa, saltoki eta entitateren euskara maila aitortzeko. Oihane Indakoetxea Barañaingo alkateak eta Rober Gutiérrez Bai Euskarari elkarteko zuzendariak eman zituzten bereizgarriak. Biek nabarmendu zuten entitateen lan eredugarria eta euskarak alor sozioekonomikoan leku handiagoa izan dezan egin dituzten urratsak. Horregatik jaso dute ziurtagiridunek aitortza, Gutiérrezek ekitaldian esan bezala, “balioa” eman behar diogulako euskararen alde egiten den lanari.

Gutiérrezek nabarmendu zuen enpresetan hizkuntzak egoki kudeatzea eraldaketa bat dela: “Euskara sustatzen duenak berrikuntzaren, aniztasunaren, bizikidetzaren, kohesioaren eta gure komunitatearen garapenaren alde egiten du”, esan zuen.

Indakoetxeak ziurtagiridunek egindako lanaren atzean dauden pertsonak aipatu nahi izan zituen modu berezian: “Hizkuntza pertsonok erabili egiten baitugu, eta euskara gaur egun zerbait bada, eta asko da, bere atzean zaudeten pertsona guztiongatik da”, gaineratu zuen.

Ziurtagiridunak

Aurten 37 ziurtagiri banatu dira Barañainen: 4k ‘Zerbitzua eta lana euskaraz’ maila lortu dute; 9k ‘Zerbitzua euskaraz’ maila; eta 24k ‘Euskararen bidean’ maila. Guztien artean, gainera, entitate batek lehen aldiz jaso du ziurtagiria: Viajes Marfil-ek, hain zuzen ere.

Ekitaldiko gonbidatuek, protagonistak izan zirenek, ilusioz jaso zuten aitortza eta argi adierazi zuten Bai Euskarari elkartearen laguntzarekin euskararen bidea egiten jarraituko dutela.

Hauek dira Barañaingo ziurtagiridunak:

1. Akelamendi Taberna

2. Alaitz Guraso Elkartea - Alaitz Ikastetxe Publikoa

3. Andromeda Herbolario

4. Asociación Txaranga Txomin

5. Bar Lur Gorri Jatetxea

6. BARABATU Barañaingo Batukada

7. Barañainen parte hartzen

8. Barañaingo Euskal Kantak

9. Barañaingo GEROA BAI

10. Barañaingo Gizarte Eskola

11. Barañaingo Jai Batzordea

12. Barañaingo Trikitilari Eskola

13. Bicicletas Muruzabal

14. Cafe Bar Hegoalde

15. Carniceria Gogorza Hermanos

16. Clinica Dental Sada Hortz Klinika

17. Coral Barañain Abesbatza

18. EH Bildu Barañain

19. Farmacia Beatriz Cubillas Barricart

20. Farmacia Cubillas Botika

21. Fundación Auditorio Barañain Auditorioa Fundazioa

22. Gazte Asanblada, Barañain

23. HAGIN Erakunde Feminista

24. Haizea Kultur Elkartea

25. Harizti Barañaingo Dantza Taldea

26. Iratxo Taberna

27. Izquierda-Ezkerra Barañain

28. Kaioa Café Bar

29. Karrape Taberna

30. Mugarri Guraso Elkartea

31. Plaza Berri Egunkari Digitala

32. Sahats Fundazioa

33. Samuel López Costa - Centro veterinario ABODI

34. Studio Liburu-denda - Librería Studio

35. Tantatic S.L

36. Tecniauto

37. Viajes Marfil S.L.

Zorionak guztioi!