ARGIA.eus

2019ko ekainaren 20a

Eragileen plaza!

SORTU KONTUA
Bai Euskarari Elkartea ekarpen ugari egiten ari da urte hauetako ibilbidean, Bai Euskarari ziurtagiri bat baino askoz gehiago da. Gero eta eragin eta arrakasta handiagoa lortzen ari diren proiektuak, tresnak eta baliabideak lantzen, sortzen eta egokitzen ari gara Euskal Herriko enpresen eta profesionalen eskura jartzeko: Enpresarean (azoka, foroak eta telebista), Lansarean lan-ataria eta aplikazioa, Lanabes – Araban Euskara Lanean, jarraibide egokiak eta abar luze bat. Argi dugu gure ekarpena lagungarria izaten ari dela alor sozioekonomikoaren espazioak euskaraz betetzeko, eta horretan segitu nahi dugu. Euskaraz bizitzea, euskaraz lan egitea, ekitea, sortzea, berritzea, saltzea eta erostea, egunerokotasunean euskaraz normaltasun osoz aritzea posible bada, gure ongizatea handiagoa izango baita. Horra hor gure erronka.
2018-10-26 09:19

Pertsonak eta horien ongizatea izan dira protagonistak Enpresarean Azokan, digitalizazioa eta transformazioaren etorkizuneko erronkaren aurrean.   

Bai Euskarari Elkarteak solasaldirako eta elkarlanerako bilgunea eskaini die profesionalei eta enpresei, euskaraz, Enpresarean Azokaren laugarren edizioan; gaur egungo paradigma aztertzeko, askotariko iritziak partekatzeko eta etorkizunera begira jartzeko aukera izan dute goi mailako adituek, euskaratik eta euskaraz.

Lehiakortasuna, teknologia, pertsonak, eraldaketa digitala, lana eta talentua. Erronkez, kezkez eta aukeraz beteriko etorkizuna irudikatu dute, elkarrekin, eskarmentu handiko enpresen ordezkariek eta etorkizunetik datozen ekintzaileek; administrazioko ordezkariak ere bertan izan dira, euskal profesionalen ondoan, etorkizun sozioekonomikoan elkar eragiteko asmoz.

Bai Euskarari Elkarteak antolaturiko Enpresarean Azokaren laugarren edizio honek, Orona Ideon egin dena, Gipuzkoako Foru Aldundiaren, SPRI Taldearen, Hernaniko Udalaren, Laboral Kutxaren eta Orona Fundazioaren babesa izan du.

 

Elkarrekin, konektaturik, eragiteko aukera berriekin

Bai Euskarari Elkarteko zuzendariak, Rober Gutiérrez-ek; Hernaniko alkatea den Luix Intxauspek; eta Markel Olanok, Gipuzkoako Diputatu Nagusiak, eman diote hasiera jardunaldiari.

Gutiérrez-ek ongietorria eman die parte-hartzaileei eta Enpresarean egitasmoaren aurkezpena egin du, ?alor sozioekonomikoan euskaraz normaltasunez aritzeko proiektu esperimental gisa, enpresei eta profesionalei egitasmoak ezagutzera emateko bidea eskaintzen diena, solasaldirako, eztabaidatzeko eta elkarlana sustatzeko espazio bat partekatzeko aukera errazten diena, enpresen eta profesionalen interesekoak diren gaiak jorratu nahi dituena eta tresna eta bitarteko berriak lantzen eta sortzen lagundu nahi duena.? Bai Euskarari Elkarteko zuzendariak azpimarratu du euskarak balioa ematen diola lurralde honetako alor sozioekonomikoari, eta horregatik, euskaraz eta euskaratik ekarpena egin nahi dutela. ?Elkarrekin, konektaturik, eragiteko aukera berriekin? piztu da jardunaldiaren txinparta.

Markel Olanok, Gipuzkoako Foru Aldundiko Diputatu Nagusiak, azpimarratu du euskara bidegurutzean dagoela eta bere etorkizuna bermatzeko ardura hartu behar dugula: ?gazte zein heldu, guztion artean erabilera erreala bultzatu esparru guztietan, baita lan eremuan ere. Badugu zer egin, zer aurreratu eta Enpresarean bezalako topaketak pozgarriak dira?.

 

Pertsonak, digitalizazioa eta transformazioaren etorkizuneko erronka

Jardunaldia 9:00etan hasi eta 14:00etan amaitu da, Anabel Arraiza aktorearen gidaritzapean. Etorkizuna ulertzeko modu ezberdina duten ekonomia eta teknologia arloko profesionalek hitzaldiak eskaini eta solasaldiak partekatu dituzte, gaien araberako bloke ezberdinetan.

Lehenik eta behin, ?Ekonomia eta pertsonak. Euskal ekonomiaren eta gizartearen erronkak? hizpide izanik, ORKESTRAko zuzendari nagusia den Mari Jose Arangurenek eta Talaios Kooperatibako Gorka Juliok hitzaldi bana eskaini dute. Ondoren, mahai-ingurua partekatu dute Imanol Esnaolarekin (Gaindegiako Koordinatzailea), Sebastian Zurutuzarekin (Gipuzkoako Foru Aldundiko Kudeaketa Estrategia zuzendari nagusia), Fermin Lazkanorekin (IMHko Enpresentzako formazioa eta zerbitzuen arduraduna) eta  Hispavista Labseko zuzendari exekutiboa den Iker Barrenarekin.

Bigarren blokean, eraldaketa digitalean eta lanaren etorkizunean jarri da fokoa: ?Eraldaketa digitala, pertsonen eraldaketa?? galderari erantzun nahian. Horretarako, IKANOS proiektuaren zuzendariak, Ana Isabel Vitóricak, "Eraldaketa digitalaren erronka pertsona eta profesionalengan" hitzaldia eskaini du. Ondoren, BERRIAko kazetaria den Irune Lasak oholtza gainera gonbidatu ditu ondorengo adituak: Ana Isabel Vitórica, IKANOSeko zuzendaria; Leire Colomo, AMPO-ko Berrikuntza eta garapen teknologikoaren zuzendaria; Santi Agirregoikoa, ELAY-ko Kontseilari ordezkaria; eta Arrate Olaiz, IBARMIAko Berrikuntza zuzendaria.

Hirugarren atalean, lanaren etorkizuneko joeren inguruan sakontzeko, LKS-PROSPEKTIKEReko zuzendari nagusia den eta Millenium Proiektuaren arduraduna den Ibon Zugastik proiektuari buruz hitz egin du eta lana etorkizunean nolakoa izango den eta etorkizuneko erronkak irudikatzen lagundu du. Horretaz ere jardun dute hitzaldiaren ondorengo solasaldian. Hor ikuspegiak partekatu ditu honako profesional hauekin: Nuria Agirre (Laboral Kutxako Gizarte Kudeaketako zuzendaria), Rikar Lamadrid (Eusko Jaurlaritzako Teknologiaren eta Ikaskuntza Aurreratuen zuzendaria), Ińigo Larrea (MONDRAGON Korporazioko Gestio Sozialaren arduraduna) eta EITBko Giza Baliabideetako zuzendaria den Izarne Arrigain.

 

2.000 euro Zocco Handmade proiektuarentzat

Zocco Handmade proiektua izan da arin-arin ekintzaileen lehiaketaren irabazlea, 2.000 euroko sariarekin. June Arrieta eta Ińigo Tejadak aurkeztu dute ekimena, enpleguaren, formakuntzaren eta espazio partekatuen bidez emakumeak laguntzea helburu duena.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.