Euskal Herriko K-1 Federakuntzako Jokin Ibarra eta Asier Garayar izango ditugu Enpresarean TB kanalean. Zuzenekoa eskainiko digute ostiral honetan martxoak 1, 11:00etan.
Konbateko kirol internazionala da K1. Lehenengo aldiz historikoki lortu zuten federazio mundialak beraien federakuntza onartzea Euskal Herriko selekzio bezala txapelketa mundial batean eta han egon ziren Euskal Herriko koloreak defendatzen. Domina lortu zuten Errusia eta Ukrania bezalako herrien aurrean. Horren ondorioz, munduko federazioak Euskal Herria onartu du partaide bezala.
Datorren hilabetean munduko kopa jokatuko dute eta talde bat bidaliko dute Euskal Herria ordezkatzeko.
Euskal Herriko K-1 Federakuntzak Bai Euskarari Ziurtagiria dauka, "Zerbitzua eta Lana euskaraz" maila.