2021-02-15 00:00

Bai Euskarari Ziurtagiria duen enpresa bateko ordezkaria elkarrizketatuko dugu Enpresarean Telebistan; Grupo Gismako Miren Tardáguila, bertako Berdintasun teknikaria. Enpresentzat kudeaketa sistema ezberdinak ezartzen lan egiten dute Grupo Gisman, eta horien artean, baita Berdintasun Planak ere.

Enpresetan Berdintasun Plana ezartzeko metodologia propioa dute eta horretan laguntzeko softwarea ere garatu dute. Berdintasun Plana enpresaren egunerokotasunean barneratzea izaten da beraien helburua eta plan horren jarraipena ere egiten dute.

Hemen ikus-entzun dezakezue Miren Tardáguilari egindako elkarrizketa:

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Bai Euskarari Elkartea ekarpen ugari egiten ari da urte hauetako ibilbidean, Bai Euskarari ziurtagiri bat baino askoz gehiago da. Gero eta eragin eta arrakasta handiagoa lortzen ari diren proiektuak, tresnak eta baliabideak lantzen, sortzen eta egokitzen ari gara Euskal Herriko enpresen eta profesionalen eskura jartzeko: Enpresarean (azoka, foroak eta telebista), Lansarean lan-ataria eta aplikazioa, Lanabes – Araban Euskara Lanean, jarraibide egokiak eta abar luze bat. Argi dugu gure ekarpena lagungarria izaten ari dela alor sozioekonomikoaren espazioak euskaraz betetzeko, eta horretan segitu nahi dugu. Euskaraz bizitzea, euskaraz lan egitea, ekitea, sortzea, berritzea, saltzea eta erostea, egunerokotasunean euskaraz normaltasun osoz aritzea posible bada, gure ongizatea handiagoa izango baita. Horra hor gure erronka.