Iazko arrakastaren ondoren, iritsi da Bagerakideen II. Afaria. Aurten ere elkartzeko, ondo pasatzeko eta gure komunitatea ospatzeko aitzakia ezin hobea dugu.

Hitzordua abenduaren 12an izango da, Parte Zaharreko Kresala Elkartean. Gaualdi berezia prestatu dugu, hiru osagai nagusirekin:

• 🏆 Bagera Saria: Aurten ere, euskalgintzan lan eskerga egiten duen norbanako edo erakunde bati gure esker ona adieraziko diogu sari honen bidez.

• 🍲 Afaria: Sabela betetzeko eta mahai inguruan kontu-kontari aritzeko aukera.

• 🎶 Kantu-saioa: Gauari amaiera ezin hobea emateko, Kantua eta Zikina kantujirako lagunek girotuko dute postrea, denok elkarrekin kanta dezagun.

Ez ezazu galdu Bagerakideekin elkartzeko aukera hau!

Xehetasunak:

• 📅 Data: Abenduak 12, osteguna.

• 📍 Lekua: Kresala Elkartea (Donostia).

• 💶 Prezioa: 20€

Zatoz gurekin topa egitera!