2021-05-07 09:31
LANDUE izeneko egitasmoa aurkeztuko dute gaur (ostirala, maiatzak 7) Durangaldeko Mankomunitateak, Bizkaiko Foru Aldundiak eta Eusko Jaurlaritzak. AHIZE-AEK arituko da aholkulari lanetan.
Eskualdeko eremu sozioekonomikoan euskararen sustapena bultzatzeko ekimena da LANDUE.
Aurkezpenean Mireia Elkoroiribe Durangaldeko Mankomunitateko presidenteak, Lorea Bilbao Euskara, Kultura eta Kirol Saileko Foru Diputatuak eta Bingen Zupiria Eusko Jaurlaritzako Kultura eta Hizkuntza Politika sailburuak parte hartuko dute. Bertan izan dira eskualdeko hainbat enpresatako ordezkariak eta AHIZEko kideak ere bai.
AEK-k (Alfabetatze Euskalduntze Koordinakundea) euskararen berreskurapena eta Euskal Herriaren berreuskalduntzea ditu helburu.
Helduen euskalduntze alfabetatzean aritzen den elkarterik garrantzitsuena dugu eta, Euskal Herri osoan lan egiten duen bakarra, administrazio-banaketen gainetik. 100 euskaltegi eta gau-eskola baino gehiago eta 600 irakasle inguru ditu.
Bi urterik behin, AEK-k Korrika antolatzen du, euskararen aldeko ekitaldirik garrantzitsuena.
