Mugak Zabalduz karabana

Mugak Zabalduz karabana Irundik abiatu da pertsona migratzaileek pairatzen duten biolentzia salatzeko

2025-07-14

Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.

Loiuko aireportuan ekintzaile saharar bat atxikita daukate duela 10 egunetik

2024-07-04

Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko errekurtsoa” onartzen ez badute, bihar goizean deportatuko dute.

Mugak Zabalduz karabanak migrazio politikak salatu ditu Tenerifen eta Kanaria Handian egindako ekintzetan

2021-07-22

Uztailaren 21ean Espainiako Gobernuaren Ordezkariordetzan egindako manifestazioan, Polizia Nazionalak pertsona bat atxilotuta izan du. Manifestariek protesta egin dute kidea askatu duten arte. Uztailaren 19an Kanaria Handian egindako ekintzan, zaldi kakaz estali dute Mugako Poliziaren egoitzaren ataria.

Riace, "normaltasunaren utopia" Calabriaren bihotzean

2018-07-25

Calabria eskualdeko Riace herrian eman zioten amaiera Mugak Zabalduz karabanako ekintzaileek Italiako ibilbideari. Joan den zapatuan, hilaren 21ean, hurbildu ziren herri horretara, bertakoek darabilten harrera-esperientzien nondik norakoak ezagutzera.

Europako mugen militarizazioa eta portuen itxiera salatu ditu Mugak Zabalduz karabanak

2018-07-24

Mediterraneo itsasoan hildako pertsona migratzaileak omendu zituen Mugak Zabalduz karabanak eguenean, hilaren 19an. Horretarako, talde bitan banatu ziren ekintzaileak. Lehenengoak Cataniako portuan bertan ekintza berezi bat egin zuen; besteak, berriz, Pozzaloko portuan dagoen barneratze-zentroaren kanpoaldean. Ondoren, arrastian, Europako kanpo-mugak zelatatzen dituen Frontex agentziaren kontrako manifestazioa egin zuten Catanian, bertako hainbat eragilegaz batera.

Frontexen aurkako manifestazioan parte hartu du Mugak Zabalduz karabanak

2018-07-24

Joan den eguenean, Mugak Zabalduz karabanak parte hartu zuen militarizazioaren eta mugen itxieraren kontrako manifestazio batean, Catanian. Protestaldia Frontex Europako mugen kontrolerako agentziaren egoitzan amaitu zen. Bertan, pertsona migratzaileek Europara ailegatzeko pairatzen dituzten arazoak irudikatzeko antzerkia egin zuten, "Mugari ez, Frontexi ez" goiburupean.

"Lana aurkitzea da gura dugun bakarra, kartzela erraldoi honetatik alde egin ahal izateko"

2018-07-19

Asilo-eskatzaileen egoera beren-beregi ezagutzeko aukera izan zuten asteazkenean Mugak Zabalduz karabanako kideek. Mineotik 10 kilometrora dagoen CARAra (Asilo-eskatzaileak Atxikitzeko Zentroa, italierazko sigletan) gerturatu ziren, eta bertan ikusitakoaren ondoren, ekintzaile askok ondorio berdina atera zuen: "hori ez da atxikitze-zentro bat, kontzentrazio-esparrua da". Gainera, zentro horretan labankada batez hildako emakume bati omenaldia egin zioten.

"Migratzaile hauek ez dira hil, erail dituzte"

2018-07-18

Palermoko Rotoli hilerria bisitatu zuen hilaren 17an Mugak Zabalduz Karabanak. Bertan, Mediterraneo itsasoan hildako pertsona migratzaileen memoria gorde gura dute Siziliako hiriburuko hainbat elkartek. Ekitaldi xume batean, 2015eko abuztuaren 5ean naufragio batean hildako 57 pertsona omendu ditu Karabanako ordezkaritza txiki batek.

Ventimigliako manifestazio jendetsuan parte hartu du Mugak Zabalduz Karabanak

2018-07-16

Italiako, Frantziako eta Mugak Zabalduz Karabanako 4.000 pertsonatik gorak parte hartu zuen atzo Ventimiglian (Italia) egindako nazioarteko manifestazioan. Horretan, migranteek europar bizileku-baimena eskuratu ahal izateko eskubidea aldarrikatu zuten, besteak beste.

Ostiralean abiatuko da Gasteiztik Italiara Mugak Zabalduz karabana

2018-07-10

Besteak beste, Ventimiglia, Sizilia eta Riacera bisitatuko dituzte, "Europako mugetan eskubideak urratzen direla salatzeko".