Edukin nagusira joan

Menu nagusira joan

Gari alea Weblog-a

Bilaketa

Bilaketa Bilaketa

Kurdistan egunez egun

10. eguna

Habur ibai gaineko zubia

Egilea: Karlos Zurutuza

Habur gaineko zubia.

Karlos Zurutuza

Aurreko bederatzi pasarteak baino errazago aukeratu dut gaurkoa. Ezin aipatu gabe utzi irudian duzuen zubia, Ipar eta Hego Kurdistan batzen ditu eta. Ofizialki, ordea, Irak eta Turkiaren arteko igarobidea baino ez da, Tigris ibaiadarra den Habur ibaiaren gainekoa, hain zuzen.

erantzunak (2) guztia irakurri
9. eguna

Ametsen hiria

Egilea: Karlos Zurutuza

Dream City jolas parkea.

Karlos Zurutuza

Badaude Dream City (ametsen hiria) baino jolas-parke hobeak, baita askoz eskasagoak ere. Dahukeko honek, gure Igeldoko parke bitxia ekarri dit gogora. Munduko “Suitzar mendi” bakarrak ez gaitu inoiz hankaz gora jarriko, eta oso apalak dira bere jaitsieran entzuten diren oihuak. Seguruenik, gailurretik ikusten den bistak soilik liluratuko gaitu. Bada, antzeko parkea duzue Dahukeko Dream City izenekoa. Isiltasunaren erdian, makineria kirrinka hasten da martxan. Ordainetan, Kurdistango mendien bista ederra daukate bidaiariek.

guztia irakurri
8. eguna

"Zelal dut izena"

Egilea: Karlos Zurutuza

Zelal

Karlos Zurutuza

"Bi emakume mota daude Dahuken beloa janzten ez dutenak: kristauak eta PKKko kide ohiak. Ni bigarren taldean sartzen naiz. Zelal dut izena eta Hakkarin jaio nintzen, Turkiaren kontrolpeko Kurdistanen. Aurten 28 urte bete ditut. Horietatik bederatzi PKKn pasa ditut".

erantzunak (1) guztia irakurri
7. eguna

Hamaika korapilo

Egilea: Karlos Zurutuza

Kurdistan carpet.

Karlos Zurutuza

Istanbulgo erdigune turistikoan sarri ikusten dira alfonbraz estalitako autoak. Kanpotarrok pentsa genezake autoa kiskal ez dadin paratu dituztela. Helburua, baina, oso bestelakoa da: zetazko artelanak eguzkipean zaharkitzea. Urtebete baino ez duenari 50 gehitzen dizkio saltzaileak, eta prezioa neurri berean igotzen da horrela.

guztia irakurri
6. eguna

Banku mundiala

Egilea: Karlos Zurutuza

Arbilgo txoko batean.

Karlos Zurutuza

Arbilgo harresirako bidean topatu dut bikotea. Handik bueltan, bi ordu beranduago, toki eta postura berean zeuden biak, amaigabea zirudien solasaldian erabat murgilduta. Ezkerreko gizona da bi kartoizko kutxa horien jabea. Gainean, sakelako telefono txartelak ditu salgai, baita moneta-truke negozio ttipi bat ere. Bankuek ez bezala, hizketaldia ere eskaintzen dute kaleko merkatari hauek dirua aldatzearekin bat. Eta komisiorik gabea.

guztia irakurri
5. eguna

Bide onak eta txarrak

Egilea: Karlos Zurutuza

Bi bide on, eta txar bat

Karlos Zurutuza

Ez dago garraio publikorik Irakeko Kurdistanen, beraz, taxi bat konpartitzea da hiriz hiri mugitzeko modu bakarra. Baina bi ibilbideren artean aukera dezake gidariak: ona ala txarra. Paradoxa bada ere, bide ona izaten da hemen luzeena, karretera hura ez baita inoiz ateratzen kurduen esku dagoen lurraldetik. Txarra, aldiz, azkarrena da, gerraren aurretik erabilitako errepide-mapari oraindik eusten diolako. Beste era batera esanda, Mosuldik igarotzen da Dahuketik Arbilera doan bide zuzenena.

erantzunak (2) guztia irakurri
4. eguna

Mosuldik gatoz

Egilea: Karlos Zurutuza

Janis, Mohamed eta Nur

Karlos Zurutuza

"Mohamed dut izena, eta hauek Nur eta Janis dira, nire seme-alabak. Arabiarrak gara eta duela hiru aste iritsi ginen Dahuk-era Mosuldik. Amerikarren koartelgo internet-kafea eramaten nuen han; 'Moha' deitzen zidaten denek. Baina gerrak eztanda egin zuenetik gauzak biziki okerrera joan dira Mosulen. Etengabeak dira eztandak edo tiroketak orain, eta horiek utzitako gorpuak kalean gelditzen dira, egunez askotan".

guztia irakurri
3. eguna

Isilgune gozoak

Egilea: Karlos Zurutuza

Tea hartzen, Dahukeko kale nagusian

Karlos Zurutuza

Etorri naizenetik etengabe ari naiz jendea ezagutzen. Toki bikaina da Kurdistan horretarako, hain dira abegitsuak bertakoak. Nahikoa da bi hitz trukatzea, hirugarrena "txai" (tea) izateko.

erantzunak (1) guztia irakurri
2. eguna

Egokitu gabeko lurra

Egilea: Karlos Zurutuza

Minarete parkeko kulunkak

Karlos Zurutuza

Arbilen 40 gradoak gainditu ditugu gaur eta Mahmud-ek, hoteleko arduradunak, Minareteko parkera joatea gomendatu dit: "iturri asko dago, oso freskagarria da". Eta egia zen, noski, baina atentzio handiagoa eman didate umeentzako kulunka hauek. Denbora luzea eman dut zain, Kurdistango eguzkiaren azpian kixkalita, ume bat bertan jolasten erretratatu ahal izateko.

guztia irakurri
1. eguna

Iraganaren espejismoak

Egilea: Karlos Zurutuza

Greetings from Iraq?

Karlos Zurutuza

Arbilgo erdiguneko paper denda batean aurkitu dut honako postal sorta hau. Kartoizko oroigarriok gogora ekarri didate duela urtebete Abkhazian aurkitutakoak: hotelak, turistez jositako hondartzak eta Sujumiko portuan ainguratutako kruzero-ontziak agertzen ziren haietan. Ez ziren egungo herrialdearen egoeraren ispilu, inolaz ere, baina baliagarriak ziren oso Itsas Beltzeko bazter horretako hondakinen iragan dotorea ezagutzeko.

guztia irakurri


© 2005 ARGIA.eus

Helbidea:
Industrialdea, 15 20160 Lasarte-Oria (Gipuzkoa)
· Telefonoa:
943 371 545
/ Faxa:
943 373 403
RSS sindikazioa 1.1

Edukin nagusira joan

Menu nagusira joan