Iruzurra Osakidetzan

Osakidetzako 2016-2017ko LEPen filtrazioaren harira bi pertsona epaituko dituzte

2026-02-10

Gasteizko epaitegiak ahozko epaiketa egitea erabaki du, eta espetxe zigorrak eskatu ditu.

Osakidetzako oposizioen filtrazioen ikerketa errudunik gabe itxi du epaileak

2024-12-12

Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.

Osakidetzako EPE berriak “intzidentziekin” hasi dira

2023-07-20

Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.

Osakidetzako aurreko zuzendaritza ez dute auzipetuko EPEaren filtrazioen harira

2022-10-07

Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.

LABek helegitea jarriko dio Osakidetzako LEPeko filtrazioen auziko azken autoari

2022-02-02

Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".

ELAk salatu du 3.500 lanposturekin ez dela konponduko Osakidetzako 24.600 behin-behineko langileen arazoa

2021-11-05

3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako kontratuekin eta langile horietatik %81 emakumeak dira.

Osakidetzako filtrazioen auzian zuzendaritza taldeko Darpón eta Mugika ikertzeari uko egin dio magistratuak

2021-09-06

LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.

Osakidetzako oposizioetako erantzunak jaso zituztela argudiatuta, beste 30 mediku inputatzeko eskatu du ESK-k

2021-07-27

Osakidetzako 2018ko oposizioetan atzeman dituzten irregulartasunen sokari tiraka, azterketara aurkeztu ziren beste 30 mediku eta epaimahaikide jardun zuten bi bokal inputatzeko eskatu du ESK sindikatuak. Hainbat froga aurkeztu dituzte eta leporatu diete erantzunak aurrez eskatu zituztela edo uko egin gabe jaso zituztela.

ESK sindikatuak Osakidetzako lan eskaintza publikorako hiru oposiziogile ikertzeko eskatu du

2020-09-03

Anestesista espezialitaterako lan eskaintza publikoan azterketen filtrazioengatik “onurak” jaso zituztela, susmoa du sindikatuak. Datozen egunetan 24 lagunek epaitegietan beren lekukotza emango dute Osakidetzako 2016-2017ko lan eskaintza publikoan jazotako iruzur kasuaren harira.

Osakidetzako oposizioen auzian 16 lekukok deklaratuko dute epaile aurrean

2020-09-01

Irailaren 1etik 7ra 16 lagun epaile aurretik igaroko dira lekuko gisa, 2018ko Osakidetzako oposizioetan izandako ustezko irregulartasunak ikertzeko abiaturiko auziaren barruan.

Neurokirurgia arloko presidentea ere inputatu dute Osakidetzako oposaketen harira

2020-07-16

Epaileak ikerketapean zegoen Neurokirurgia arloko presidentea inputatu du, eta hogeita lau lekuko deklaratzera deitu.

Darpon, Mugica eta beste 3 goi-kargu ohiri "elkartze ez zilegia" inputatzea eskatu du LABek

2020-06-09

Osakidetzako oposaketen eskandaluarekin lotura duen Ricardo Ituarte izendatu dute Tolosaldeko ESIko zuzendari

2020-06-09

Ituarte EAJ alderdiarekin Santurtziko alkate izatera iritsi zen. Ondoren, Osakidetzan aritu zen lanean, arduradun ekonomiko bezala. Bere anaiak 2018ko oposaketan, anestesia arloan, azterketa praktiko perfektua egin zuen 100 puntu lortuz. 2019ko urtarrilan, Osakidetzako bere kargutik kendu zuten Ituarte.

Darpon fitxatu duen enpresak 350.000 euro jaso ditu Jaurlaritzatik azken hiru urteetan

2019-12-04

Aurtengo martxoan dimititu zuen Jon Darpon Eusko Jaurlaritzako Osasun sailburuak, Osakidetzako oposizioetan detektatutako irregulartasunak medio. Ondoren, enpresa pribatura pasa zen. Orain, Darpon "fitxatu" zuen enpresak eta haren ingurukoek jasotako diru publikoa hizpide da EAEko Legebiltzarrean.

Osakidetzak sukaldeko hornikuntzan 200.000 euro inguruko iruzurra egin duela salatu du LABek

2019-11-21

Gasteizko Santiago ospitalean, 2016tik “gastuen bikoizketa” egon dela jakinarazi du sindikatuak, ikerketa batean oinarrituta.

Osakidetzako oposizio-sistema berriaren arriskuaz ohartarazi du iruzurra salatu zuen anestesistak

2019-10-16

Marta Machok, Osakidetzako oposizioen iruzurra salatu zuenetariko batek, jakinarazi du formula berriak zaharrak baino kontrol gehiago eman diezaiekeela zerbitzu-buruei.

Ustelkeriaren Aurkako Bulegoa sortzea erabaki du Eusko Legebiltzarrak

2019-10-03

Alderdi Popularraren abstentzioa salbu, gainerako talde politikoek babestu dute EH Bilduk mahai gainean jarritako proposamena.

Osakidetzako zuzendaritzako kide Xabier Balerdik ere dimisioa eman du

2019-09-03

Oposizioen iruzurraren auzia hasi zenetik dimititzen duen laugarren zuzendaritzako kidea da. Osakidetzaren barne ikerketa zuzendu zuen Balerdik. Sindikatuek lehiaketa sistemaren eredua aldatu beharra nabarmendu dute.

Murga Osasun sailburua Osakidetzako iruzurraren jakinaren gainean egoteak "ez du garrantzirik" Jaurlaritzarentzat

2019-06-12

“Testigantza horrek ez du garrantzi penal edo politikorik”, adierazi du Josu Erkoreka Eusko Jaurlaritzako bozeramaileak Izaskun Obieta kardiologoaren deklarazioaren harira. Oposizioaren ustetan argi geratu da, berriz ere, Osakidetzak eta Eusko Jaurlaritzak iruzurra argitzeko borondaterik ez dutela.

Nekane Murga Osasun sailburuak Osakidetzako iruzurra ezagun zuela adierazi du lekuko batek

2019-06-11

Kardiologia epaimahaiko kide batek orain urte batzuk Murgarekin izandako elkarrizketa baten berri eman du. Egun Osasun sailburu denak ondorengoa esan zion: “Azterketarik ez edukitzeko, oso ondo egin duzu”.

Osakidetzako oposizioetako Angiologia kategoriako tribunaleko kide bat: "Hau tongoa da"

2019-06-04

Iazko Osakidetzako oposaketetako Angiologia tribunaleko kideak da Fonseca. Tribunal bereko kide batek azterketa gainditu zutenak eta azterketaren egilea lagunak zirela ohartarazi ostean, argiki mintzatu eta gertatutakoa “tongotzat” jo zuen.

Osakidetzak atzera egin eta iruzurra salatu duen anestesistari lan kontratua onartu dio

2019-05-31

Osakidetzak Marta Macho anestesistari dagokion lan kontratua beste langile bati esleitu ziola salatu zuen ESK sindikatuak asteazkenean. Atzera egin eta ostiral goizean jakinarazi dio Osakidetzak Machori lana berea dela.

Kontratua eten diote Osakidetzako iruzurra salatu zuen anestesistari

2019-05-29

Osakidetzako lan eskaintza publikoan iruzurrak salatu zituen Marta Macho anestesistari kontratua eten diote, ESK sindikatuak salatu duenez. Debagoienako ospitalean lan egiten du Machok eta asteartean deklaratu zuen auziari buruzko epaiketan, iruzur salaketak berretsiz.

Osakidetzako filtrazioak salatu zituen anestesistak eta ESK sindikatuak iruzurra egon zela berretsi dute

2019-05-29

Astearte honetan Marta Macho Arrasateko ospitaleko anestesistak eta ESK sindikatuko Patxi Nicolauk epailearen aurrean berretsi dute Osakidetzako lan eskaintza publikoko azterketen inguruan egin zuten salaketa. Beraiez gain, Gasteizko epaitegietan izan dira IVAP Herri Arduralaritzaren Euskal Erakundeko bi teknikari, oposizioetako azterketak erakunde horrek egin baitzituen.

Osakidetzako oposaketen auziko instrukzioan deklarazioen ordua iritsi da

2019-05-28

Hamar pertsona daude deituta lekuko gisa deklaratzera, eta beste hiruk inputatu bezala deklaratuko dute.

Osakidetzaren neurri berriak: zozketa bidez aukeratutako epaimahaiak eta kanpoan diseinaturiko azterketak

2019-05-15

Iazko oposaketetako iruzur eskandaluaren ostean, hurrengo lan eskaintzari eragingo dioten hamabi neurri aurkeztu ditu Osakidetzak: epaimahaiaren aukeraketari eta azterketa ereduari eragiten diote neurriek.

Darponek dimisioa eman du, Osakidetzako filtrazioen auziak bultzatuta

2019-03-14

Eusko Jaurlaritzako Osasun sailburu Jon Darponek dimisioa eman du, Osakidetzako oposizioen iruzur kasuek bultzatuta.

Osakidetzako oposizioen gaineko ikerketa abiatu du epaileak

2019-03-12

Epaileak hiru sendagile jarri ditu ikerketapean. Fiskalak aurkeztutako txostenean begiz jotako Osakidetzako hiru arduradunei dagokienez, ez du erabakirik hartu momentuz.

Darpón Osasun sailburuak dimititzen ez badu, Urkulluk kargugabetu dezala nahi du EH Bilduk

2019-03-06

Martxoaren 21ean bozkatuko du EAEko Legebiltzarrak Jon Darpón Osasun sailburuaren gaitzespena, Osakidetzako Enplegu Eskaintza Publikoko azterketetako filtrazioen eskandaluaren harira. EH Bilduk koska bat harago eraman du Elkarrekin Podemosen hasierako planteamendua, lehendakariaren esku-hartzea eskatuz.

Roberto Sanchez (ESK): "Denek dakite Osakidetzak horrela funtzionatzen duela"

2019-02-27

Osakidetzako oposaketetako ustelkeria kasuak zalaparta handia sortu du. Filtrazioak egon zirela eta epaimahaiaren aukeraketan gardentasun falta salatu zuten duela hilabete batzuk, eta Jon Darpon Osasun Sailburuaren dimisioa eskatzera ere heldu dira hainbat eragile. Roberto Sanchez izan zen ustelkeria kasu hau argitara ekarri zutenetako bat.

Akusazio gisa aurkeztuko da LAB Osakidetzako enplegu eskaintzaren auzibidean

2019-02-20

Jaurlaritzako Osasun sailburuak dio ez duela dimitituko

2019-02-20

Jon Darpon Eusko Jaurlaritzako Osasun sailburuari elkarrizketa egin diote asteazken honetan Radio Euskadin. Osakidetzako iazko Enplegu Eskaintza Publikoan (EPE) izandako iruzurraren auzian fiskaltzak delitu-zantzuak ikusi ondoren.

Fiskaltzak delitu zantzuak aurkitu ditu iazko Osakidetzako oposizioetan

2019-02-19

Hamaika kategoriatan filtrazioak egon direla, eta azterketak prestatzeko zein epaimahaia osatzeko jendea irizpide objektiboen bidez aukeratu ez dela jakinarazi dute.

"Medikuak ez gara jainkoak; pribilegioak amaitu behar dira"

2019-01-28

Mediku espezialisten hautaproben inguruko “debate sakon bat” behar dela adierazi dio Roberto Sanchez (Bilbo, 1974) anestesistak ALEAri.

Babesa eskatu dute Osakidetzako iruzurra salatu zutenek

2019-01-23

“Salatu nahi dugunak indarra izan dezan, aurpegia eman beharrean ikusi dugu gure burua: mendekua jasaten ari gara Osakidetzako oposaketetan izandako iruzurra salatu genuelako”, adierazi dute Roberto Sánchez eta Marta Machok. Eldiario.es hedabideak eman du honen berri.

Oposizioetako iruzurraren ondoren, bi dimisiorekin hasi du urtea Osakidetzak

2019-01-09

Ricardo Ituarte Osakidetzako arduradun ekonomikoak eta Juan Carlos Soto giza-baliabideetako zuzendariak euren karguak utzi dituzte 2019ko lehen zazpi egunetan. Kargugabetzeek ez dute esplikazio ofizialik, baina biek izan dute loturaren bat iazko enplegu eskaintzan detektatutako iruzurrarekin.

Osakidetzako Giza Baliabideetako zuzendariak kargua utziko du

2019-01-04

2017an hartu zuen kargua Juan Carlos Sotok. Duela bi hilabete aurkeztu zuen dimisioa Maria Jesus Mujika Osakidetzako zuzendari nagusiak.

Osakidetzako iruzurra ikertzeko batzorderik ez da izango EAEko Legebiltzarrean

2018-12-12

EAJ, PSE eta PPren botoekin, atzera bota da EAEko Legebiltzarrak ikerketa-batzordea osatzea Osakidetzako lan eskaintza publikoan izandako iruzurra ikertzeko.

Osakidetzako Giza Baliabideen Saileko arduradun baten emaztea Larrialdi Zerbitzuetako zuzendari izendatu zuten

2018-11-13

Monica Elena Zarate, Osakidetzan postu ziurrik gabe eta sektorean esperientziarik izan ez arren, ibilbide luzeko beste hainbat hautagaien aurretik aukeratu dute, eldiario.es-en jaso dutenez.

Osakidetzako oposizioetan iruzurraren "begi-bistako susmoak" daudela dio barne txosten batek

2018-10-10

Osakidetzako lan eskaintza publikoan izandako iruzurrari buruzko txostena aurkeztuko du asteazken honetan Jon Darpon Osasun sailburuak EAEko Legebiltzarrean. Darponek iruzurraren “frogarik ez dagoela” esaten jarraitzen du, baina zenbait pertsonari azterketak aurrez pasa zitzaizkiela pentsatzeko geroz eta datu gehiago dago.

Oposizioak eta sindikatuek uste dute ez direla nahikoa ikertu Osakidetzako oposaketei jarritako salaketak

2018-09-19

Hemeretzi kategoriatan jarri zituzten salaketak eta zortzi bakarrik ikertu dituzte.

Osakidetzak hiru espezialitatetako bost azterketa bakarrik errepikatuko ditu eta ez ditu epaimahaiak aldatuko

2018-09-18

Angiologia eta Kirurgia Baskularreko bi, Anestesiako bi eta Kardiologiako azterketa bat dira errepikatuko dituztenak.

LABek dio "munduko zilegitasun osoa" duela langileen interesak defendatzeko, Osakidetzakoak izan ala ez

2018-09-06

Jon Darpon sailburuak egindako adierazpenei ohar baten bidez erantzun die sindikatuak.

Osakidetzak fiskaltzara eramango ditu oposizioetako iruzurra salatu duten hirurak

2018-07-19

Oposaketen inguruan egindako barne ikerketa fiskaltzari aurkeztuko dio Osakidetzak. Erabakiaren arrazoia ez da filtrazioak eman izana, filtrazioak salatu dituzten hiru norbanakoei “iruzur saiakera” leporatu dietela baino.

Lau espezialitetan espedientea irekiko da, Osasun sailburuak azaldu duenez

2018-07-19

Digestio aparatua, medikuntza-intentsiboa, traumatologia eta urologia kategorietan espedientea irekiko da datozen egunetan, Jon Darpon Eusko Jaurlaritzako Osasun sailburuak jakitera eman duenez.

Traumatologian ere aurrez "asmatu" zituzten zeinentzako izango diren lanpostuak

2018-07-19

Elkarrekin-Podemosek notarioaren aurrean aurkeztutako aktak erakusten duenez, azterketa egin orduko erabakita zegoen notarik altuenak nortzuk aterako zituzten eta ospitalean plaza lortu.

Sindikatuek "iruzurtzat" jo dute Osakidetzak hautaproben inguruan hartutako erabakia

2018-07-13

ESK, ELA, LAB eta UGT sindikatuen ustez, hiru espezialitatetan baino gehiagotan egin behar da berriro hautaproba.

Osakidetzak hainbat proba errepikatuko ditu "akatsak" onartu ondoren

2018-07-12

Kardiologian, anestesian eta angiologian egingo da berriro azterketa, ez ordea, kirurgia plastikoa eta konpontzaile espezialitatean.

"Osakidetzan lan egiten duzunean, zaila da ez jakitea EPEak erabateko iruzurra direla"

2018-07-11

Osakidetzako oposizioetan iruzurra egiten dela hain gauza jakina bazen, zergatik ez du orain arte inork salatu? “Beldurragatik, eta jendeak gaur egun moral bikoitza duelako”. Hala erantzun dio galderari Manoel Martinez anestesistak, irregulartasunak salatu dituenetako batek, Hala Bedin egin dioten elkarrizketan.

"Azterketa eguna baino lehen eskura ematen zaizkie galderak"

2018-07-10

Darpon EAEko Legebiltzarrera, Osakidetzako oposaketen inguruko esplikazioak ematera

2018-07-04

Uztailaren 19an azalduko da Jon Darpon esplikazioak ematera, LAB-ek adierazi duenez

Osakidetzako oposizioetako beste lau espezialitatetan zantzu susmagarriak aurkitu ditu Euskadiko Sendagileen Sindikatuak

2018-06-19

Osakidetzako oposizioetan egindako tranpak fiskaltzaren esku jarriko dituzte sindikatuek

2018-06-13