Iruzur fiskala

Jaurlaritzak pobreenak berriro lotu ditu iruzurrarekin, dirulaguntzetan salaketak egiteko postontzi anonimoa jarrita

2024-11-19

Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du, nahiz eta apenas egiten den iruzurrik Diru-sarrerak Bermatzeko Errentaren bueltan.

Europak 15.000 milioi euroko isuna jarri die Apple eta Google multinazionalei

2024-09-11

Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.

Pandoraren Paperak: paradisu fiskaletan ezkutatu diren ondasunen filtrazio berria

2021-10-04

Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude zerrendan.

Iraultza?

2021-06-10

Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.

Zerga-sistema aldatzea eskatu du ELAk, enpresa handiek gehiago ordaindu dezaten

2021-06-03

"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko programatutako ekitaldien barruan. EAEko eta Nafarroako gobernuak egoera horren "konplize" direla esan du sindikatuak.

Vatikanoko Bankuko presidente ohiari bederatzi urteko kartzela-zigorra ezarri diote iruzurragatik

2021-01-22

2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko kartzela-zigorra ezarri diote.

Sark, Europako azken lurralde feudala

2021-01-20

1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.

Petronorrek ia ez du zergarik ordaintzen, ELAk salatu duenez

2020-11-17

Petronorren emaitza-kontuetatik datu hauek azpimarratu ditu ELA sindikatuak: 2019an 135 milioi euroko etekinak izan zituen Petronorrek, Sozietateen Zerga ordaindu aurretik. Baina Sozietateen Zergan 0 euro ordaindu zuen. "Areago, ez ordaintzeaz gainera 7 milioi euro jaso zituen Ogasunetik. Beraz, Sozietateen Zerga ordaindu osteko etekina 142 milioi eurokoa izan zen".

Osasunako agintari ohirik ez dute epaituko, BEZ zergarekin lotutako iruzurragatik

2020-09-15

Futbol taldeak fiskaltzarekin eta Nafarroako Ogasunarekin lortutako akordioa berretsia izan da: 1,4 milioi euroko isuna ordaindu beharko du klubak, eta 45 hilabetean ez du jasoko ez diru laguntzarik ezta pizgarri fiskalik ere.

Multinazional estatubatuarrek Europako irabaziaren erdia Irlandan deklaratu dute

2020-08-24

Atzerriko irabazien %52 filialen bidez kontabilizatzen da fiskalitate laxoa duten herrialdeetan edo, zuzenean, paradisu fiskaletan.

Giuseppe Conteren adierazpen batzuek agerian utzi dute Europa barruan dagoen zerga ihesa

2020-04-20

Ostegunean bilduko dira bideokonferentziaz EBko herrialdeetako gobernuburuak koronabirusaren krisiari aurre egiteko diru funtsak berretsi eta funts horien tamaina eta mekanismoa adosteko. Testuinguru horretan, Giuseppe Conte Italiako lehen ministroak eurobonoen aldeko jarrera irmoa agertu du berriz eta Herbehereei egotzi die zerga ihesaren bidez aberastea beste herrialdeen kontura.

Atzerriko euskal dirua berreskuratu dezagun

2020-01-21

Bizkaiko Foru Aldunditik honako informazio ofiziala helarazi dute: 11.000 herritarrek baino gehiagok atzerrian 1.500 milioi euroko kontu korronteak dituzte, 50 bat herrialdetan utzita, tartean Andorra, Bahamak, Jersey, Kaiman Uharteak eta Panama. Suitzan bakarrik 600 milioi euro daude. Bizkaiko 400 zergadunek kontuak irekita dituzte AEBetan, eta 250 higiezin daude atzerrian bizkaitarren izenean.

Xabi Alonso absolbitu egin dute iruzur fiskalagatik

2019-11-27

Ogasunari iruzur egiteagatik epaitu dute Alonso, baina epaileak ez du erruduntzat jo eta kargurik gabe aske geratu da.

Maltako enpresari bat atxilotu dute, Daphne Caruana kazetariaren hilketan duen ustezko inplikazioagatik

2019-11-22

2017an hil zuten iruzur kasuetan aditua zen kazetaria. Yorgen Fenech enpresari miliodunaren gas eta elektrizitate zentroaz ikertzen ari zen hil zuten Caruana.

Aberatsek benetan zuk baino zerga gutxiago ordaintzen dute

2019-10-25

Badira ia hamar urte Warren Buffetten ateraldi bat mundu guztian zehar ezaguna egin zela. Esan zuen bere idazkariak baino zerga gutxiago ordaintzen zuela, aberatsen mesederako dauden zirrikitu eta kenketa fiskalei esker.

Artikulu hau Manu Robles Arangiz institutuak euskaratu du New York Times egunkaritik.

Epaitegiaren eskumen arazo bat medio, Xabi Alonsoren aurkako epaiketa atzeratu da

2019-01-23

Madrilgo Fiskaltzak bost urteko kartzela zigorra eskatzen du futbol jokalari ohiarentzat, 2010, 2011 eta 2012. urteetan Ogasunari iruzur fiskala egitea egotzita.

Xabi Alonso futbolari ohia asteartean epaituko dute zerga iruzurra egotzita

2019-01-18

Urtarrilaren 22an Madrilen epaituko dute Tolosako futbolari ohia. Bost urteko espetxe zigorra eskatu du fiskaltzak, Real Madrileko jokalaria zela, bi milioi euroko iruzurra egitea leporatuta.

Attac-eko militantea epaiketan errugabe: banku iruzurgileari aulkiak ostea ez da delitu

2018-06-08

Carpentras hiriko (Frantzia hegoaldean) epaile batek errugabe deklaratu du Nicole Briend: erretiroa hartutako irakaslea, BNPk burutzen duen iruzur fiskala salatzeko bere bulegoetan aulkiak lapurtzeko ekintzan hartu zuen parte. Sei urteko espetxe zigorra eta 75.000 euroko isuna arriskatzen zituen, baina epaileak erabat libre utzi du.

Eusko Jaurlaritza "Margüello kasutik" erretiratu da

2018-05-02

2006-2009 urteen bitartean Osakidetzako itxaron zerrendak kanpora ateratzean emandako ustezko irregulartasunengatik hasi zen “Margüello kasuaren” ikerketa 2009an, eta momentu hauetan Bizkaiko Auzitegi Probintzialaren sententziaren zain dago. Zuzenean kaltetua izan den Eusko Jaurlaritzak hasiera batean akusatuei egindako eskaera ekonomikoak erretiratu ditu argudiatuz ondarearen gaineko kalteak “ez direla frogatu epaiketan zehar”, pazienteak behar bezala artatuak izan zirelako eta zerbitzuan gainkosturik egon ez zelako. Fiskaltza bakarrik geratu da akusatuei egiten zaien 6,8 milioi euroko erreklamazioaren aurrean.

"L'Empire contre ATTAC" Parisen: Applek auzitegietan estali nahi ditu bere iruzurrak

2018-02-13

Astelehenean zen, otsailaren 12an, epaiketaren eguna Parisko auzitegian: planetako multinazionalik erraldoienetakoa den Apple mugimendu altermundialisten ikurretakoa den ATTAC elkartea auzitegietan itotzen ahalegintzeko auzi saioa. Parisko goi epaitegiaren atarian militanteek “L’Empire contre ATTAC” antzeztu dute Stars War saileko film berri bat bailitzan, filmaren bigarren atalaren frantsesezko tituluaren hitzekin jolas eginez. Inperioa kontraerasoan datorrela, alegia… Europari zergatan 13.000 milioi ez pagatzeagatik.

Nicole Briend epaitzen dute gaur: 6 urteko espetxea eta 75.000 euro BNPren iruzur fiskala salatzeagatik?

2018-02-06

Asteartean, otsailak 6, Carpentras hirian (Frantzia hegoaldean) erretiroa hartutako irakasle batek aurre egin beharko dio BNP bankuak eskatuta montatu dioten epaiketari: BNPk burutzen duen iruzur fiskala salatzeko ekintzan aulki batzuen lapurreta sinbolikoaren truke 6 urteko espetxe zigorra eta 75.000 euroko isuna arriskatzen ditu.

Iruzur fiskalaren aurka egiteagatik, Applek auzitegietara eraman du Attac

2018-01-04

Attac, globalizazioaren aurkako mugimendua, auzitegietara eraman du Applek, Europar Batasunak ezarritako 13.000 milioi euroko isuna ordaintzea eskatzeagatik.

Ikea ikertzen ari da Europa, zergak ez ordaintzeko egitura bat zuelakoan

2017-12-19

Europar Batasunak ikerketa bat abiatu du altzarien multinazionalaren inguruan. Ustez zergei ihes egiteko egitura bat osatua zuen enpresa suediarrak, Holanda, Luxenburgo eta Liechtensteinen.

Apple iruzur fiskalean munduko txapeldun izendatu du ATTACek

2017-11-10

“Apple, lapurreta mundiala” izenburuarekin azaroaren 9an ATTAC erakundeak zabaldu duenez, 2002tik gaurdaino sagar koskatuaren multinazionalak 16.000 milioi euroko zergak utzi dizkio pagatzeke Europar Batasunari. Berrikitan "Paradise Papers" agirietatik eskuratutako informaizoek berretsi dute Applek segitzen duela iruzur estrategia berean.

Munduko aberatsenen zerrendan Euskal Herriari lotutako hiru izen

2017-09-01

Forbes aldizkariak zabaldu du 2017ko munduko aberatsenen zerrenda. Euskal Herriarekin zuzenki lotutako hiru izen hauek ageri dira: 693. postuan eta 2,9 mila milioi dolarren jabe Juan-Miguel Villar Mir (OHL enpresa); 973. postuan 2,5 mila milioi dolarren jabe Daniel Francisco Maté Badenes (Suitzan bizi den donostiarra); eta 1.795. postuan 1,1 mila milioi dolarren jabe Jose Maria Aristrain (ArcelorMittalen jabe olaberriarra).

Ana Beltran PPko buruzagiaren bodega, Nafarroako Gobernuaren zordunen artean

2017-05-18

Bodegas Camilo Castilla bodegaren zuzendaritza darama PPko eledunak 1987tik eta 687.000 euroko zorra dauka. Nafarroako Ogasun sailak zordun handien zerrenda kaleratu du.

Euskal Oasia sutan

2017-03-28

Txosten gordina argitaratu du HerriUni-ko kide Nekane Jurado ekonomialariak. Krisiaren lehen urte gisa hartzen den 2008 urtea egungo egoerarekin konparatu du, Hego Euskal Herrian ere aberats eta txiroen arteko arrakala zabaltzen ari dela agerian utziz. Bertan 533.222 pertsona pobreziaren mugatik behera bizi dela jakiteak argi uzten du “Euskal Oasirik” ez dela, aberasten jarraitzen duten gutxi batzuentzat ez bada.

Europako banku nagusien irabazien %26 paradisu fiskaletatik dator

2017-03-28

Oxfam Intermon eta Fair Finance Guide Internationalek kaleratutako txosten baten arabera, Europako hogei banku nagusiek 25.000 milioi euro irabazten dituzte urtero paradisu fiskaletan.

Enpresetan atzemandako zerga iruzurra nabarmen hazi da Araban

2017-03-21

Arabako Foru Aldundiak enpresen zerga jardueraren kontrola zorroztuko zuela iragarri zuen iaz, eta aurtengo iruzurraren aurkako kanpainaren datuetan islatu da. Ikuskaritzak 77 milioi euroko iruzurra atzeman du eta horietatik 53 sozietate zergakoak dira, iaz baino 40 milioi gehiago.

Apple-ko erakusleihoak zuriz margotu dituzte, multinazionalaren gardentasun eza salatzeko

2017-03-13

Attac mugimenduko militanteek Applek Parisen dituen bulegoak margotu dituzte, enpresaren opakutasun finantzarioa salatzeko. Aktibistek adierazi dute 2016an sagarraren multinazionalak 215.000 milioi dolar zituela paradisu fiskaletan.

Zerga iruzurraren behatokia osatzeko proposamena errefusatu du Eusko Legebiltzarrak

2017-03-10

Iruzurraren aurkako behatoki bat sortzeko legez kanpoko proposamena egin dute EH Bilduk eta Elkarrekin Podemosek. EAJren, PSE-EEren eta PPren ezezko botoek atzera bota dute.

Igor Meltxor, Ahoztar Zelaieta eta Aimar Uribesalgoren hitzaldiak Azkoitian

2017-01-13

Bidegi kasua, Donostiako erraustegiaren afera, iruzur fiskala... aztertuko dituzte, besteak beste, "Benetan ai al gea? Hau ez tao onartzeik!" izenburupean Azkoitiko Zakela Kultur Elkarteak antolatutako hitzaldietan: urtarrilaren 17an hasita, asteartero 19:00etan Zakela Herriko Tabernan.

Ameriketako Estatu Batuak: munduko azken paradisu fiskala

2016-12-19

Informazioa automatikoki trukatzeko nazioarteko akordioa (Common Reporting Standard) jarriko dute martxan urtarrilean. Modu horretan, biztanleek atzerrian dituzten finantza aktiboak ezagutu ahal izango dituzte herrialdeek. AEBek, ordea, ez dute akordioarekin bat egin, eta hainbat adituk “Suitza berria” ezizena jarri diete dagoeneko.

Bizi ! mugimenduak banku bat okupatu du Biarritzen, zerga ihesa salatzeko

2016-11-17

mso-ansi-language:EU">BNP Paribas bankuaren zerga ihesa eta paradisu fiskalak erabiltzen dituztenen zigorgabetasuna salatu dute Bizi !-ko kideek. Horrez gain, urtarrilaren 9an mobilizatzera deitu dute, auziperatuta dagoen Jon Palais militanteari babesa emateko.

Aristrain enpresariarentzat 64 urteko kartzela zigorra eskatu du fiskaltzak

2016-11-09

ArcelorMittal-en jabe nagusietakoa den Olaberriako Jose Maria Aristrain enpresaburuak iruzur fiskal erraldoia egin zuen 2005etik 2009ra, Castellanako Paperetan ageri denez.

Applek Irlandari 13.000 milioi euro itzuli behar dizkiola ebatzi du Europak, urtetan ordaindu gabeko zergengatik

2016-08-31

Apple konpainiak eta Irlandak legez kanpoko zerga aginduak adostu zituztela ebatzi du Europako Batzordeak. Zerga gutxiago ordaintzeko sare konplexu bat baliatuz Europan izandako mozkinen ehuneko txiki bat soilik ordaindu zuen multinazionalak Irlandan hainbat urtez, sozietate zergei dagokionez: irabazien %1 2003an eta %0,005 2014an (%12,5ekoa da sozietateen gaineko zerga Irlandan).

Paradisu sekretuak

2016-07-27

Panamako paperen filtrazioaren inguruko ika-mikak paradisu fiskalen zergen inguruko ezbaia berpiztu du. Zerga-paradisuen kontzeptua okerra da, berez “jurisdikzio sekretuak” diren lurraldeetako ezaugarri bakar bat azpimarratzen baitute. Izan ere, lurralde horietako egoiliarrak ez direnei eskaintzen dizkieten zerga eta babes onurez harago, toki horiek banku sekretuaren zein finantza desarautzearen hobariak eskaintzen dituzte. Hala ere, lurralde bakoitzak ezaugarri bereizgarriak... [+]

Michèle Alliot-Marieren enpresa Panamako "offshore" elkarte batekin nahastuta

2016-07-06

Frantziako Mediapart hedabidearen informazioen arabera, Pirinio Atlantikoetako Errepublikarrak alderdiaren buru Michèle Alliot Marie Panamako “offshore” edo legez kanpoko finantzaz arduratzen den enpresa bati lotuta egon liteke.

ArcelorMittali lotutako Aristrain familiak milioika euro ezkutatu zituen Liechtensteingo sozietate opakoetan

2016-06-21

Euskal altzairugintzari estu lotutako Aristrain familiak milioika euro ezkutatu izan ditu Liechtensteinen sortutako sozietate opakoen bitartez, ElDiario.es, Diagonal eta La Marea hedabideek argitaratu dutenez. Castellanako Paperak izenez bataiatu duten dokumentazio eskergatik ateratako datuetan oinarrituta argitaratu dute informazioa.

"Castellanako Paperak": Espainiako aberatsek Ogasuna saihesteko erabilitako bideak agerian

2016-06-07

Filtrazio eskerga batetik abiatutako ikerketaren emaitza argitaratuko dute ekainean zehar Diagonal, eldiario.es eta La Marea hedabideek, Madrilgo Castellana Pasealekuan egoitza duten hainbat aholkularitza fiskaletako 38.600 agiri aztertu eta gero. Zenbait fortuna handi, enpresa eta funtzionario publikok beren betebehar fiskalak saihesteko erabilitako bideak agertuko dituzte datozen asteetan.