Aldaketa Nafarroan, Legebiltzarrean eta Iruñeko udalean


Xabier Letona @xletona  |  Asier Iturralde Sarasola @aldatsa
2015eko maiatzaren 22a

2015ko Nafarroako udal hauteskundeen emaitzen mapa interaktiboa.

Nafarroak lortu du horrenbeste esperotako aldaketa, bai Nafarroako Legebiltzarrean eta baita Iruñeko Udalean ere, herrialdeko instituzio garrantzitsuenak. Nafarroako Legebiltzarrean horrela banatuko dira eserlekuak: UPNk 15 parlamentario izango ditu, Geroa Baik 9, EH Bilduk 8, PSNk 7, Podemosek beste 7 eta PPk eta Ezkerrak 2na. Horrela PSNrik gabeko oposizioko blokeak 26 eserleku lortu ditu eta UPNk, PSNk eta PPk 24.

Orain itxaron beharko da bihartik aurrera itunek zer ematen duten, baina kanpainan zehar aipatutakoa betetzen bada, eta hori da seguruenik gertatuko dena, Uxue Barkos izango da Nafarroako hurrengo lehendakaria. Hala balitz, hau izango litzateke Nafarroako herritarrek lehendakari abertzalea izango luketen lehen aldia.

Inkestek iragarri legez UPN ez da 15 eserlekuetatik pasa, PSNk 2 eserleku galdu ditu eta PPk beste 2. Podemos indar handiz sartu da Legebiltzarrera eta Ezkerrak 1 galdu arren eutsi egin dio eta esperotakoa baino hobeto atera da. Indar abertzaleak ere indartuta atera dira: joan den legealdian 15 eserleku batu zituzten NaBai eta Bilduk eta oraingoan Geroa Baik eta EH Bilduk 17. Eta bi indar horien artean benetan nabarmendu behar dena Geroa Bai da, Legebiltzarrean taldea zatitu zenean NaBairen zortzi parlamentarioetatik 2 bakarrik geratu baitziren Geroa Bain eta orain EH Bildu garaitzeko gai izan da. Berriz ere Uxue Barkosen tiradizoa giltzarri izan dela ematen du.

Iruñeko Udalean orain arteko oposizioak lortutako garaipenak erabat borobildu du aldaketa, ozta-ozta hemen ere, 14-13 amaitu baitute blokeek. Horrela banatu dira zinegotziak: UPNk 10, EH Bilduk 5, Geroa Baik beste 5, PSNk 3 errepikatu ditu, Aranzadik 3 eta Ezkerrak 1. Legebiltzarrean ez bezala UPNk zinegotzi bakarra galdu du eta PSNk errepikatu, baina ez dute nahiko eta gainerako alderdiek alkatetza eskuratuko dute. Hortaz, Iruñeko hurrengo alkate, seguruenik, EH Bilduko Joseba Asiron izango da.

Gainerako udaletan ere izango dira aldaketak eta UPNk boterea galduko du hainbat lekutan, esate baterako Tafallan, non EH Bilduk garaipen historikoa lortu duen. Lizarra ere gal lezake UPNk eta akaso beste hainbat udal ere bai. Udal hauteskundeak bototan UPNk irabazi ditu 79.000 botorekin eta bigarrena EH Bildu izan da 54.000 botorekin. Zinegotzitan, hala ere, EH Bildu nagusitu zaio UPNri.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Aldaketa politikoa Nafarroan kanaletik interesatuko zaizu...
Ahal Duguko zuzendaritzaren kontrako bide legalak hartuko dituela iragarri du Laura Perez parlamentariak

Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.


2017-10-12 | Andoni Mikelarena
'Euskara Ofiziala Nafarroa Osoan' kanpaina abiatu du Kontseiluak

Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.


2017-09-06 | Guaixe .eus
Nafarroako Parlamentuak Altsasuko auziko fiskaltzaren eskaerarekin "erabateko desadostasuna" azaldu du

Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.


2017-07-11 | Xalba Ramirez
Nafarroako Plan Energetikoaren barruan Castejóngo zentralak eraistea eskatu du Sustrai Erakuntzak

Nafar Gobernuak energia plan berria aurkeztu du “2030 Ikusmuga Plan Energetikoa” zirriborroan. Energia berriztagarrien erabilpena %21etik %51ra handitzeko asmoa duen arren, planak Castejóngo zentral termikoak ixteari buruz ez duela ezer esaten salatu du Sustrai Erakuntzak.


Nafarroako Gobernuak AHTa gera dezan eskatu dute EH Bilduk, Ahal Duguk eta Ezkerrak

Hainbat sindikaturekin batera egindako agerraldian Nafarroako Gobernuari galdegin diote Madrilekin mantentzen ari den negoziazio eteteko eta "tren soziala zehazteko", herritarrei "parte hartzeko aukera" emanda.


2017-06-13 | Xalba Ramirez
Nafarroako Foruzaingoak jada ez ditu gomazko pilotak erabiliko

Foruzaingoaren jarduna eraberritu eta gomazko pilotak ez erabiltzeko erabakia bururaino eraman dute, Ertzaintzak eskainitako bi prestakuntza ikastaro jasoz eta material berria eskuratuz.


PSNk ikurrinaren aurkako eskuinaren manifestazioan parte hartuko du

UPN, PPN eta Ciudadanosekin batera parte hartuko du PSNk ekainaren 3ko manifestazioan. Nafarroako bandera defendatzeko aitzakiarekin egin dute bat deialdiarekin. Alderdiaren militante batzuek desadostasuna adierazi dute.


Nafarroako AHTa blindatu nahi du Geroa Baik

Nafarroako eta Espainiako Gobernuek AHTaren inguruan “ez-betetze klausulak” sinatzea proposatu du Iñigo De la Serna Barne Ministroak. Manu Aierdik ontzat hartu du proposamena: "Izugarri ona iruditzen zait ardura duena behartzea sinatutakoa betetzera", adierazi du.


Iruñeko Udala krisian dagoela diote Podemosek, Aranzadik eta Ezkerrak

Mugikortasun planak sortu ditu desadostasunak. Ostegun goizean Podemosek, Aranzadik eta Izquierda-Ezkerrak agerraldia eginen dute. Joseba Asiron alkateak desadostasunak onartu ditu baina harrituta azaldu da udal gobernuaren krisia dagoela entzutean.


Nafarroako Ikurren Legea bertan behera utziko dute

"Zigortzailea eta murriztailea" den legea bertan behera utziko dute Gobernua babesten duten lau alderdiek. 2003. urtetik dago abian Ikurren Legea, baina orain, Udalen autonomiaz baliatuta, udalerri bakoitzak erabakiko du zein ikur jarri erakunde ofizialetan.


Azkenak
EGILEAK
Eguneraketa berriak daude