Labèque ahizpak, itzalpean

  • Fitxa: Katia eta Marielle Labèque (pianoak). Thierry Biscary, Paxkal Indo eta Fred Chambon (perkusioa). Egitaraua: Albéniz eta Ravelen obrak. Lekua: Victoria Eugenia Antzokia. Data: abuztuaren 7an.

    Katia eta Marielle Labèque-ren errezitaldi bat programatzen den bakoitzean ikusmin handia sortzen da musikazaleen artean, ez bakarrik haien dohain musikalak konprobatzeagatik, baizik eta, kontutan hartuta bi andre hauek duten “espektakuluko sena”, ikusteagatik “zer egiten duten aldi honetan!”

2009ko abuztuaren 10a
Katia eta Marielle Labèque

Labèque ahizpen kontzertuek, normalean, performance kutsua dute, egia esan. Bakoitzak nortasun markatua du, eta ondo jakin dute hau publikoaren artean zabaltzen nolabaiteko legenda bat sortzeko haien inguruan. Katia jazz-zalea da, oldartsua, istrionismoa azaltzen duena. Marielle-k, aldiz, diskrezioa eta esanekotasuna primeran irudikatzen ditu.

Baina joan den ostiralean ez zuten ikuskizun berezirik eman. Ohikoak diren Katiaren suspirioak eta takoikadak oso arinak izan ziren. Musika besterik ez zuten egin aldi honetan, eta eskertzekoa da noizean behin lasaitasun pixka bat. Errezitaldiaren lehenengo zatian Albéniz-en Iberia izeneko suite-aren zazpi pieza jo zituzten, bi pianotara moldatuta. Alde batetik, obra zail hauek dituzten deabrukeria pianistikoak bi instrumenturen artean banatzen dira eta, beraz, efektu tinbriko eta birtuosistikoak naturaltasun gehiagorekin disfrutatzen dira, zailtasun teknikoa leuntzen baita. Baina, bestetik, suite originala –piano bakarrarentzat egina- jotzeko agertzen diren akrobazia guztiak gainditzeko, beste modu batean ‘arnastu’ behar da musika, beste tenpo batzuk erabiltzen dira eta fraseoa desberdina suertatzen da. Esan nahi dugu modaketa hauek ederrak izanda, nolabait perbertitu egiten dutela originalaren izaera. Hala ere, Labèquetarren interpretazioa primerakoa izan zen. Efektu tinbriko zoragarriak lortu zituzten Evocación izeneko piezan, adibidez, eta Triana sendo eta gartsua atera zen.

Bigarren zatian eklipsatuta geratu ziren Katia eta Marielle, benetako protagonistak Thierry Biscary eta Paxkal Indo txalapartari eta perkusio joleak izan baitziren. Hauek egindako Ravel-en Bolero-ren bertsioa sinple eta dotorea izan zen, pretentsiorik gabea. Musikaren progresio garbia lortu zuten. Hasieran erritmoa eskuekin markatzen bazuten, amaieran txalaparta izan zen erritmoaren gidaria. Baina inportanteena artista hauen karisma berezia izan zen –batez ere Biscary-rena, benetako animalia eszenikoa-. Jakin zuten taulagaina betetzen eta jendearen arreta mantentzen hasieratik bukaeraraino. Labèque ahizpek, bere aldetik, eskuzabaltasuna adierazi zuten bigarren plano batean geratuz.

Jendearen txalokadei erantzunez, bi propina eman zuten: Katiak eta Mariellek Lutoslawski-ren pieza bat, Paganini-ren tema batean oinarritua, jo zuten. Eta, amaitzeko, Biscaryk eta Indok sorgindu egin zuten publikoa Etxahun Iruri-ren Hori bera da denen ixtoria berezi bat moldatuz. Auditorioa poltsikoan sartu zuten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Akabatzearen negozioa argitara

Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.


2018-10-21
Otegi eta Zapatero Txillarren elkartu dira, jendeari horrelako bilerak inporta zitzaizkionean bezala

Arnaldo Otegik eta Jose Luis Rodriguez Zapaterok ezkutuko bilera egin zuten irailean Elgoibarko Txillarre baserrian. Bileraren xedea “elkar ezagutzea” zela esan duten arren, ezker abertzaleko iturriek Beranduegiri esplikatu diotenez, bi politikariek beren buruari egindako omenaldia ere izan da.


2018-10-21
Legioko ahuntzak idatzi du Casadoren diskurtsoa

Oso gutxitan erabiltzen dutela-eta, Espainiako Legioak erabaki du bere desfileetan parte hartu ohi duen ahuntza, Cientocincuentaycinco, birziklatzea.


2018-10-21 | Adur Larrea
Ez hanka ez buru
Behingoz edo garaia da

"Mitxoletak nahi ditugu", pestizida guztiak orain debekatzeko aldarria

Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.


2018-10-21 | Amaia Lekunberri
Ruben Collio aktibista maputxea
"Macarena lurraren defentsan borroka egiteagatik hil duten lehenengo emakume maputxea da"

Ruben Collio maputxeak (Santiago, Txile, 1976) itsasoa zeharkatu du Macarena Valdés ekintzailearen hilketaz jakinarazi eta nazioartean babesa lortzeko, salatzen duenez Txileko Estatuaren baitan maputxeentzat justiziarik ez baitago. 32 urte zituela hil zuten Valdés Tranguileko bere etxean, beraien bizilekuan zentral elektrikoa eraiki duen RP Global enpresa transnazional austriarraren auto batetik mehatxatuak izan eta egun batera. Macarenaren bikotekidea zen Ruben Collio, eta... [+]


Nerea Arriola. Txantxarik ez umorearekin
"Umorearen izenean ez dira gauzak banalizatu behar"

Sarritan gertatu zaio Nerea Arriolari; azkena, uda honetan bertan: ezezagunak hurbildu zaizkio, zaleak, bera zelakoan Idoia Txoperena, Supertxope, euskal youtuber sonatua. Hura, baina, kanpaina politiko baterako propio pentsaturiko pertsonaia zen [Hiru Damatxo ideia faktoriak egin zuen kanpaina, Sortu alderdiarentzat]. Arriola, berriz, Supertxope gorpuztu zuen aktorea dugu. Eta erizaina. Eta bakarrizketa-egilea. Eta…


2018-10-21
Nerea Arriola Urberuaga (1988, Donostia)

Erizaina da lanbidez, baina antzerkian ibili da betidanik, Zurriolako Ikastolako antzerki-taldean. Berak eman die gorputza eta ahotsa Supertxope euskal youtuberrari eta Info7 irratiko Dolores Mujika Dolox pertsonaiari. Duela bi urte egin zuen lehen bakarrizketa, eta besteak beste, zeregin horretan dabil orain han eta hemen. Aurten bukatu du antzerki-prestakuntza, Donostiako Arte Eszenikoen Tailerrean (TAE).


Azkenak
Eguneraketa berriak daude