Herritarren Harrera Sareak

Baionako eguneko harrera zentroa itxi dute higiene baldintza txarrak direla eta

2025-07-17

Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.

Irungo Harrera Sarean Gautxori taldearen lana indartu da

2025-01-14

2024ko balantzea egin du Irungo Harrera Sareak. Aurreko urtearekin alderatuta saretik migrante gehiago pasa dira, eta Gautxori taldearen harrerak laukoiztu egin dira. 6.000 pertsona inguru artatu dituzte guztira.

Askatu dituzte Hendaiako zazpi atxilotuak, baina urtarrilean epailearen aitzinean agertu beharko dira

2024-10-02

Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko mobilizazioa egin dute lagun ugarik polizia-etxe aurrean, elkartasuna ez dela delitua aldarrikatzeko. Arratsaldean askatu dituzte, baina, Berria-k jakitera eman duenez, Baionako auzitegiko epailearen aitzinera agertu beharko dute urtarrilaren 28an.

"Migratzaileak autoan hartu eta Polizia egon zitekeen errepideak saihestuta eramaten nituen"

2024-09-18

Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta haren bi alabak, tratu txarretatik ihesi; Parisen bizi dira egun. “Migratzaileen bila aritzen nintzen, Polizia bezala, baina hain justu Poliziaren kontrako helburuarekin”.

Migratzaileei laguntzeagatik gutxienez 117 pertsona auzitara eraman dituzte Europan 2023an

2024-04-10

Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.

La Sirena aterpetxea irekitzeko eskatu du Donostiako Harrera Sareak

2024-01-12

Donostian 300 pertsona baino gehiago daude aterpetxerik gabe. Harrera Sareak adierazi du “inhumanoa” dela La Sirena itxita mantentzea, eta “are gogorragoa” egungo tenperatura baxuekin.

Migratzaileak atxilotzeagatik jai-egunak, Espainiako Poliziak Irunen martxan jarri nahi izan duen neurria

2023-06-07

Migratzaileak atxilotzea saritzen duen neurria onartu zuen atzo Espainiako Poliziaren Irungo taldeak: asteburuan migratzaile bat atxilotzeagatik, hiru jai-egun; bi migratzaile edo gehiago atxilotzeagatik, lau jai-egun; eta hamar atxilotutik gora, bost. Poliziaren sindikatuak salaketa jarri eta ordu gutxira neurria bertan behera utzi du Espainiako Poliziaren EAEko buruzagitzak.

Atxondoko Harrera Herriak okupatu egin du Axpeko etxea

2022-12-21

2018tik aurtengo urrira arte migratzaileei harrera egin eta aterpea emateko erabiltzen zen Axpeko aterpetxea, baina Atxondoko Udalak kanporatu egin zituen, eraikinaren egoera ez zela segurua eta ikuskaritza pasa beharra zegoela argudiatuz. Bi hilabetetik gora kalean bizitzen egon ostean, igandean berriz ireki zituen Axpeko etxeko ateak Atxondo Harrera Herriak.

Zazpi migratzailek Atxondoko udaletxeko arkupetan egiten dute lo, aterpetxea itxi dietelako

2022-10-26

Migratzaileei harrera egiteko prestatuta dagoen Atxondoko aterpetxea erabiltzea galarazi die Udalak, eta non lo egin ez dutela, joan den astetik Atxondoko udaletxeko aterpetxean pasatzen dute gaua zazpi lagunek. Udalaren utzikeria salatu dute.

Migratzaileei Atxondoko aterpetxea erabiltzea galarazi die udalak, Harrera sareak salatu duenez

2022-10-19

Atxondo Harrera Herria sareak gogoratu du migratzaileek asteak daramatzatela aterpetxean ezin sartu eta udalak eman dien arrazoia dela aterpetxeak ikuskaritza pasa behar duela, txosten bat prestatzen ari direla eta horregatik ezin dela erabili. Galdera eta kezka ugari ditu Harrera Herriak.

Korridore humanitarioak exijitu dituzte, Abderraman Bas migratzailearen heriotzaten harira

2022-06-20

Ekainaren 18an zendu zen Abderraman Bas izeneko migratzailearen inguruko irakurketa plazaratu dute SOS Arrazakeriak eta Irungo Harrera Sareak.

Euskal Herriko hainbat herritan kalean lo egingo dute harrera duina eskatzeko

2022-06-08

Migratuen eta arrazializatuen kolektiboek eta elkarri laguntzeko sareek eta kolektiboek gau osoko kontzentrazioa deitu dute ekainaren 8an Bilbo, Donostia, Gasteiz, Iruñea, Barakaldo, Irun eta Artean, harrera duina aldarrikatzeko.

Migratzaileek mugan bizi dutena bertatik bertara ezagutzen ari dira ikasleak

2022-05-31

Azken hilabeteotan ikastetxe ugari gerturatu dira Irunera, bertako Harrera Sarearen laguntzaz bidean diren migratzaileen errealitatea ezagutu asmoz. Ikasleei inpaktu handiena sortzen diena poliziak hartua duen muga bera dela kontatu digute Irungo Harrera Saretik.

Bidasoan beste migrante bat desagertu ostean, elkarretaratzea deitu du Irungo Harrera Sareak

2022-03-14

Larunbatean, hilak 12, Bidasoa ibaia zeharkatzen saiatu ziren hiru migrante. Haietako bik Biriatura heltzea lortu zuten, baina hirugarrena desagertu egin zen. Hura bilatzeko lanek jarraitzen dutenean, Irungo Harrera Sareak elkarretaratzea deitu du astelehenerako, 18:30ean Behobiako zubian.

Mikel Ibarguren idazlea atxilotuta eduki dute bost migratzaileri laguntzeagatik muga igaro ondoren

2022-01-24

Frantziako Poliziak atxiki zuen ostiralean, Gipuzkoa eta Lapurdi arteko muga zeharkatu zuten bost etorkin furgoneta batean hartu eta gero. Bidarten geldiarazi zuten ibilgailua: migratzaileak Irunera itzularazi zituzten eta gidaria Hendaiako komisarian eduki zuten hurrengo egunera arte.

Irungo Harrera Sarearen 2021 urteko bilana, 4.600 migranteri harrera egin diete

2022-01-05

Irungo Harrera Sareak 2021ko bilana plazaratu berri du. Orotara 4.601 migranteri harrera egin diete.

Bidasoan hildako migratzailearena “iragarritako heriotza” izan dela salatu du Irungo Harrera Sareak

2021-11-22

Boli Kostatik zetorren 38 urteko gizonezkoaren gorpua ibaian aurkitu zuten. Igandean elkarretaratzea egin du Irungo Harrera Sareak, eta instituzioei “gehiago” egiteko eskatu diete.

Mediterraneoan hildako herritarren senideekiko Atxondoko Udalak izan duen jarrera salatu dute

2021-10-29

Urriaren 14an Atxondoko hiru herritarren zazpi senide hil ziren, Cadizera bidean zirela itsasoan hondoratu ostean. Atxondoko Harrera Herriak gertakarien aurrean udalak izandako jarrera salatu du.

Gutxienez hamar migratzaile hil dira Andaluziako kostaldean, horietatik zazpi Atxondoko herritarren senideak

2021-10-18

28 pertsona migratzaile zioazen urperatutako ontzian, eta soilik hiru atzeman dituzte bizirik. Aurkitutako hamar hilotzen artetik zazpi, Atxondoko (Bizkaia) hiru herritarren senideak ziren. Atxondoko Harrera Herriak elkarretaratzea deitu du asteazkenean, gertakaria salatzeko.

Lau ebakuntza jasan dituen migratzaile batek gaua kalean pasa behar izan duela salatu dute

2021-09-14

Gurutze Gorriak kudeatzen duen migratzaileentzako Irungo zentroak bertan geratzeko erabiltzen dituen irizpideak murriztaileak direla salatu izan du Harrera Sareak. Orain arteko “kasurik larrienetakoa eta ankerrenetakoa” plazaratu dute, lau ebakuntza egin zizkioten Ibrahimak bizpahiru asteko ebakuntza-ondorengoa behar zuela eta gaua kalean pasa behar izan zuela kritikatuz. Gertatutakoaren kronologia egin du Irungo Harrera Sareak.

Bidasoan ito den migratzailearen heriotza salatzeko elkarretaratzea egin dute Irunen

2021-08-10

Igandean, Gipuzkoa eta Lapurdiren arteko muga gurutzatzen saiatu zen gazte bat hil zen Bidasoan. Apiriletik zendu den hirugarrena da. Astelehenean, elkarretaratzea egin dute Irunen gertatuta salatu eta Europako migrazio politikak aldatzea eskatzeko.

Bizitzen jarraitzeko laguntza

2021-08-03

Gaur egun, hogei pertsona daude harreran Tolosako Zuloaga Txiki aterpetxean; arreta, orientazioa eta laguntza eskaintzen diete bestelako baliabiderik ez duten migratzaile, errefuxiatu eta aberrigabeei. Abuztuan bi urte egingo ditu zentroak zabalik.

Kalean bizi direnentzat afariak prestatzeko sarea osatu nahi dute Donostiako Egia auzoan

2021-03-12

Donostiako Egia auzoan kalean bizi diren pertsonentzat afariak prestatzeko sare bat osatzeko lanetan dabiltza. Izena eman eta boluntario izateko deia zabaldu dute.

Irungo Harrera Sareak mila migratzaile inguru jaso ditu udan

2020-09-18

Beste herrialde batera heltzeko bidean ziren mila pertsona artatu dituzte Irunen, gehienak afrikarrak. Pertsona horiek jasotzeko hainbat “irregulartasun” izan direla nabarmendu eta konfinamenduaren ondotik "migratzaileen egoera okertu egin dela" salatu dute Harrera Elkartekoek.

"Familia bat osatzen dugu denek, faltan sumatu ditugu"

2020-07-07

Josune Mendigutxia Irungo Harrera Sareko boluntarioa kezkati azaldu da udaran sor daitekeen egoerarekin. Inoiz baino migratzaile gehiago espero dituzte Irunen, eta egungo egoerak harrera lana baldintza dezake.

Gaua pasa nahi zuten bi migratzaile kalean utzi ditu Irungo aterpeak

2020-06-25

Asteartetik asteazkenerako gauean, lau hilabetez haurdun dagoen emakumeari eta gizonezko bere bikotekideari sarrera ukatu die migratzaileentzako Irungo aterpetxeak, hiriko Harrera Sareak salatu duenez. Behin baino gehiagotan salatu dituzte halakoak.

Politika arrazistak gelditzeko eskatu dute errefuxiatuen aldeko elkarretaratzean

2020-02-24

Ehunka lagun bildu ziren larunbaten (otsailak 22) Irun-Hendaia mugan errefuxiatuak ilegalki kanporatzen ari direla salatzeko eta gizarte duinagoa eskatzeko.

Irungo Harrera Sareak 3.000 pertsonatik gora artatu ditu 2019an

2020-02-04

Irungo Harrera Sareak 3.000 pertsona artatu ditu 2019an. Gehienak gizonak (% 82), emakumeak (% 10) eta haurrak zein adin txikikoak (% 8), eta gehienak Ginea Conakrykoak, Boli Kostakoak edota Malikoak. Horrela, arropa, harrera eta informazioa eskaintzen duten lantaldeak eta gautxorienak beren ohiko lanarekin jarraitu dute 2019an. Hortaz gain, Frantziako poliziak beroan eginiko kanporaketen praktikarekin jarraitu du, izan ere, urtarrilaren 12an Irungo Harrera Sareak kanporaturiko 12 pertsona artatu baitzituen joan etorrian.

Irungo Harrera Sareak lanean darrai heltzen diren migranteei harrera duina bermatu nahian

2020-01-28

Gizonezkoentzat tamaina ertaineko jantziak, bereziki berokiak galdegiten dituzte. Baita 41etik 43rako oinetakoak. Gogoratu asteartero eta ostegunero Kale Nagusiko 14. Zenbakian 17:00etatik 19:00etara entrega daitekeela.

Gasteizko Olarizu auzoko etxebizitza okupatuetako bat hustu du Udaltzaingoak

2019-12-04

Gasteizko Udaltzaingoak asteazkenean etxegabetu du familia bat. Pisuaren sarbidea hormatzeari ekin diote udal langileek ondoren, Hala Bedik azaldu duenez

Udazken hasieran nabarmen egin du gora trantsitozko migranteen kopuruak Irunen, Harrera Sareak salatu duenez

2019-10-29

Iraileko datuak plazaratu dituzte, eta txostenaren arabera, 356 migrante lagundu zituen joan den hilabetean Harrera Sareak, horietarik 293 gizonezko, 27 emakume eta 36 haur eta adin txikikoak.

Irungo Harrera Sarea indartzeko jaialdia

2019-05-29

Migratzaileekin elkartasunez Irungo Harrera Sarean boluntario ari direnak omentzeko, Sarerako dirua lortzeko eta berau indartzen jarraitzeko, ekainaren 1ean jaialdia antolatu dute Harrera Sarea sortu zuten lekuan bertan: Irungo Lakaxita gaztetxean.

"Zapalkuntza bati emandako zuzeneko erantzuna izan da herri mugimenduen arteko aliantza hau"

2019-05-08

Alaine Aranburu Irungo Lakaxita gaztetxeko eta Harrera Sareko kidea da. Joxemi Zumalabe Fundazioak herri mugimenduetako aliantzen inguruan egin duen elkarrizketa sorta honetako lehen elkarrizketatua. Bertan, Irungo esperientziatik abiatuta aliantzek duten indarraz eta hauen zailtasunez hitz egin digu.

Itzulketa ilegalak dokumentatzen jarraitzen du Irungo Harrera Sareak

2019-04-04

EBko Justizi Auzitegiak eman duen epaiaren ondoren ere, adin txikikoen eta turisten itzulketa ilegalak dokumentatu dituela jakinarazi du Irungo Harrera Sareak.

Migratzaileentzako panela sortu du Irungo Harrera Sareak, geldialdia non egin dezaketen erakusteko

2019-03-28

Irungo tren geltokitik Martindozeneako harrera gunera nola joan adierazten duen panela jarri du Irungo Harrera Sareak. Irungo Udalbatzak onartutako neurria izan arren, udal gobernuak "behin eta berriz ezezkoa" eman duela-eta erabaki dute seinaleztapena euren kabuz jartzea.

Euskal Herria harrera herria dela aldarrikatu dute milaka lagunek

2019-01-27

Pertsona guztien zirkulazio askea eta migratzaileentzako harrera duina eta integrala aldarrikatu dute milaka lagunek asteburuan, “Euskal Herria, harrera herria” lelopean. “Denok gara edo izan gara migratzaile, eta Euskal Herriaren historia harrera pasarteez zein ihesaldi garaiez beterik dago”, gogoratu dute antolatzaileek.

Irungo Harrera Sareak migratzaileentzako zirkulazio librea eskatuko du urtarrilaren 26ko manifestazioan

2019-01-22

26 larunbata, Irungo Ficoba eraikin paretik aterako da manifestazioa eta Hendaiako erretentzio zentroko komisaldegi aurrera joango da. Irungo udaletxe aurrean amaituko da manifestazioa.

100 familia behar dira udan haur errefuxiatu sahararrak harreran hartzeko

2019-01-15

Elkarte eta udal ezberdinek euskal familiak programan parte hartzera animatzeko kanpaina martxan jarri dute, “orain bi familia ditut: bat Saharan eta bestea Euskal Herrian” lelopean.

"Euskal Herria, harrera herria" manifestuarekin bat egitera deitu dute

2018-12-06

Hona iristen diren migratzaileentzako harrera duin eta integral iraunkorra aldarrikatuz, Euskal Herriak etorri direnei besoak beti zabaldu dizkiela gogoratuz, karitatetik harago elkartasuna eta justizia nabarmenduz, eta politikariei ardura eskatuz, manifestua argitaratu du Irungo Harrera Sareak. Manifestua sinatzeko eta urtarrilaren 26ko manifestaziora batzeko deia egin diete herritarrei.

Koliko nefritikoa zuen migratzaileari aterpea ukatu dio Gurutze Gorriak

2018-11-28

Irungo Harrera Sareak salatu duenez, Bidasoako ospitaleko medikuak koliko nefritikoa diagnostikatu eta erabateko atsedenaldia agindu zion astelehenean migratzaile bati, baina arratsalde horretan bertan Irungo Udalak migratzaileentzat duen aterpean sartzea ukatu zion Gurutze Gorriak. Argudio burokratikoa eman zioten: asiloa eskatu du eta ez dagokio aterpe horretan egotea.

Gauerako aterpea ala iraultza?

2018-11-25

Mundua ez da aldatzen biluzik daudenentzat aterpea bilatuz. Ideia hori poema bihurtu zuen Bertolt Brechtek; poema hura kanta Mikel Laboak. Uste hori partekatzen al du xede iraultzaileak dituen herrigintzak? Bere borroketatik kanpo utzi al dute herri mugimenduek oinarrizko beharren eguneroko asetzea? Zergatik? Oldarraldi neoliberalaren garaiotan, aterpea edo jana bezalakoak borrokatzeari heldu behar al dio herrigintzak? Nola uztartu berehalakotasuna eta zeruertz iraultzaileak? Zer dago ikasteko, zer desikasteko?

European migration policy has been criticised by a "People's Embrace"

2018-11-16

The event will take place on May 5th, and the intention is to show solidarity which is often hidden from view. A symbolic gesture will be used to that end: the embrace.

Migratzaileentzat gaztetxean zuten gunea desegin eta Udalak duen zentroa denentzako aterpea izan dadila eskatu du Irungo Harrera Sareak

2018-10-11

Bidean diren eta instalazio ofizialetatik kanpo geratzen diren migratzaileei aterpe eman diete herritarrek orain arte Irungo Lakaxita gaztetxean. Bi hilabeteren ostean, kanpalekua desegin behar izan dute, beharrezko gutxieneko baldintzak ez dituela betetzen iritzita. "Hasieratik salatu dugu egoera", dio Irungo Harrera Sareak, eta Udalaren gain jarri dute ardura: administrazioak migratzaileentzako zentroa du Irunen (Martindozenea), baina eskatzen diren baldintzengatik jende ugari kanpoan geratzen da eta baldintza horiek aldatzea nahi du Harrera Sareak.

Migratzaile gaztetxeroak

2018-09-27

Irailaz geroztik Donostiara ez da migratzaileen autobusik iristen eta Zorroagako harrera zentroa hutsik dagoen bitarten, hamalau pertsonak gaztetxean egiten dute lo. Izan ere, Donostiako herritarrek eta hainbat eragiletako kideek Hiritarren Harrera Sarea sortu zuten. Hasieran Aralarrek utzitako lokalean moldatu ziren baina egun gutxira Txantxarrekako gazteekin jarri ziren harremanetan, gaztetxea pertsona desplazatuen “gune segurua” bilakatu zedin. Gazteek baiezkoa eman zuten eta... [+]

Eskubideez desjabetutakoen bidaia Euskal Herrira

2018-09-27

Uda honetako gai nagusia izan da: migratzaile multzoak autobus geltokietan, horri erantzunez herritarrek aktibatutako elkartasuna, eta atzetik erakunde publikoek ia egunero jaulkitako datu eta adierazpenak, jarri dituzten baliabideak zerrendatuz.

Larrun honetan iritsi berrien errealitatean murgildu gara, urtetan hauen eskubideen defentsan ari diren pertsonen eskutik. Eta ustekabean, ispilu batekin egin dugu topo: beltzen egoerari begira zurien burua da ikusi duguna, zurien ekonomia, mendebaldarron mito eta uste okerrak, administrazioan agintean direnen eta herri mugimenduetan dihardutenen logika ezberdinak... Migrazioaren gaiak irekitzen duen pitzadura apasionagarria da, Euskal Herriko gizarte eredua jartzen baitu eztabaidagai.

Biribiltzeko, Asier Gonzalez de San Pedrok aparteko erreportajean kontatu du barrutik bizi izan duen Donostiako Txantxarreka gaztetxearen esperientzia.