Belarriko mina ematen digu diala mugitu eta hainbeste irrati erdaldun entzun beharrak. Alferrik da, Egin Irratia kendu zutenez geroz, ez da berririk sortu. Erdarazkoetan berriz, aukera anitza emateaz gain, ezin aratzago hartzen dira. Tokian tokiko euskal irratiek gainera, nekez bete dezakete Euskal Herri osoan gaindi hedatu beharko luketen irrati gehiagoren hutsunea. Biztanleriaren %30 euskalduna baldin bada, proportzio hori ez dago inolaz ere parekatua uhinetan dugun eskaintzarekin. Gure herrian, euskaldunak bigarren mailako hiritarrak baldin bagara, irratian aldiz, «3. erregionaleko» entzuleak