Gorliz

Gorlizko Udalak kalte ordaina eman beharko dio tratu iraingarria jaso zuen emakume udaltzaingoari

2024-07-11

2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du Udalak ez zuela prebentzio neurririk hartu erasoaren aurrean, eta kondenatzen du langileari 29.690,76 euroko kalte ordaina ematera.

Pertsona guztien erroldatzea bermatuko duen protokoloa eskatu du Marea Horiak

2023-08-21

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian, “arriskuz eta zailtasunez betetako bide korapilatsua" hasi behar dutela. Gainera, migrazio- eta harrera-politika egokiak hartzeko eskatu diete gobernuei eta erakundeei, "nazioarteko itunetan jasotako giza eskubideak errespeta ditzaten".

Bizkaiko Correoseko beharginek "gehiegizko" lan-kargak eta zerbitzuaren prekaritatea salatu dituzte

2023-05-12

Bizkaiko Correosen ordezkaritza duten CCOO-ESK-UGT-LAB-CSIF sindikatuek eta langileek egunotan deitoratu dute Correosek eskaintzen duen posta-zerbitzua "gero eta gehiago hondatzen ari dela". Salatu dute narriadura hori kontratazio murrizketen, prekarietatearen gorakadaren eta behin-behineko kontratazioen hazkundearen emaitza dela. Hori dela eta, elkarretaratzeak egin dituzte egunotan Bizkaia osoan, baita gurean ere: hilaren 3an, Algortan; hilaren 4an, Areetan; eta herenegun, martitzenean, Gorlizen.

"Ospa ditzakegu Eguberriak erlijioan eta kontsumismoan murgildu gabe"

2022-12-22

Eguberriak ospatzeko beste modu bat bilatu guran, euskal herritarrek antzina zuten ohituretako bat berreskuratu du Jon Etxebarria Txontxe gorliztarrak. Dioenez, neguko solstizioan, "neguburuan", enborrak erretzen zituzten Eguzkiari indarra emateko, eta kiskalitako zur hori gordetzen zuten, adur ona ematen zuelakoan. Subil horiei Olentzero-enbor deitzen zitzaien, eta horretan oinarrituta, ipuin ilustratua argitaratu du Malen Amenabar ilustratzaileagaz batera.

Herritarrek lortu dute Osakidetzak Gorlizko larrialdietako zerbitzua ez ixtea

2020-09-15

Hiru hilabete baino gehiago eman dituzte herritarrek astero Gorlizko Osasun Zentroaren aurrean elkarretaratzeak eginez eta Uribeko gehiengo sindikalak ere ekintza koordinatua eraman du aurrera. Helburua lortu dute: Osakidetzak eskualdeko alkatetzei jakinarazi die ez duela Gorlizko Urgentzia eta Larrialdietako Zerbitzua itxiko. Pandemiaren argudioa erabilita horrelako zerbitzuak itxi dituzte hainbat herritan, Algortako Bidezabalgoa, esaterako.

Gorlizko bigantxei agur

2020-02-11

Joan den urtarrilaren 26an egindako herri-galdeketa ez zen loteslea izan; hala ere, Gorlizko Udalbatzak emaitza onartzea erabaki du, EAJren eta EH Bilduren aldeko botoakaz. Independenteak taldea abstenitu egin zen, galdeketan "hainbat irregulartasun" egon delakoan.

Bigantxa-ekitaldien kontra egin dute gorliztarrek

2020-01-27

Gorlizko Santiago jaietan egin ohi diren bigantxen-ekitaldia mantendu edo ez erabakitzeko galdeketa egin zuten atzo, domekan, udalerriko osoko bilkuren aretoan. Galdeketa ez da loteslea, baina emaitzak kontutan hartuko dituela jakinarazi du Udalak.

"Bigantxak nahi dituzu Gorlizko jaietan?"

2020-01-02

Gorlizko Santiago jaietan egin ohi diren bigantxen-jarduera mantendu edo ez erabakitzeko galdeketa egitea onartu du Udalak. Datorren urtarrilaren 26an egingo dute hori.

Pintaketa faxistak agertu dira Gorlizen

2019-05-28

VOXen aldeko mezuak, mezu matxistak eta svastikak pintatu dituzte Gorlizeko eskolan. Erasoaren aurrean, Sorginen Alabak talde feministak elkarretaratzea deitu du astearterako.

"Historian badirudi gizonezkoek baino ez dutela garrantzia, emakumeen bizitzari ez baitzaio baliorik ematen"

2019-03-13

Amaia Herrero Oiarzabalek (Vigo, 1973) Gorlizko hamasei emakumeren adierazpenez osaturiko liburua argitaratu berri du. Euren bizitzan igarotako hainbat oroitzapen biltzen ditu liburuak; haurtzaroa, jaunartzea, familia, eskola, nerabezaroa eta ezkontza, besteak beste. Ingeles Filologia ikasi du Herrerok, eta emakume eta gizonen berdintasunaren gaineko masterra egin du EHUn. Liburuaz ez ezik, bertan ageri diren zenbait gai interesgarriz egin dugu berba beragaz.