Gomazko pilotak

Gomazko pilotak berriro erabiltzea eskatu du Esan ertzainen sindikatuak

2025-12-05

Argudiatu dute "ertzainen aurkako indarkeria handitu" egin dela, eta indarkeria "kontroletik irteten denean, babesgabe" gelditzen direla. Halaber, ohar batean datorren asteko Athletic eta PSGren arteko partidaren segurtasun operatiboaren gaineko kezka adierazi dute. Elkarretaratzea antolatu dute ostiralean, ErNE eta Si.P.E. ertzainen sindikatuekin batera. Hiru sindikatuek ertzainen hiru laurdena baino gehiago ordezkatzen dute.

Manifestazio jendetsua Martxoak 3an Gasteizen Poliziak eraildako bost langileen oroimenez

2025-03-04

49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute ibilbidea amaitu, aurten Ertzaintzaren kargak izan baitira berriz, eta manifestazioaren atzealdean zegoen jendetzak ezin izan du katedraleko ekitaldira gerturatu.

Tolosan Ertzaintzak pilotakadaz zauritu zuen gaztearen kasua artxibatu dute, biktimak deklaratu aurretik

2024-11-28

Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.

Gomazko pilotak erabili al ditu Ertzaintzak Gasteizen, lehen aldiz Cabacasen heriotzaz geroztik?

2024-03-18

Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean geundeke: lehen aldia litzateke Ertzaintzak gomazko pilotak erabili dituela 2012an Iñigo Cabacas Bilbon hil zuenetik. 2015ean Estefania Beltran de Heredia sailburuak piloten erabilera guztiz debekatzeko asmoa iragarri bazuen ere, Brigada Mugikorrak erabiltzeko aukera izaten jarraitzen du.

"Ez da bidezkoa, hamasei urte ditu; bada garaia gauzak aldatzeko eta asko gainera"

2024-02-14

Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da bidezkoa. Hamasei urte ditu. Beste erreminta batzuk badituzte aktuazioak egiteko. Bada garaia gauzak aldatzeko, eta asko gainera". Bildutako herritarren izenean hitza hartu du beste pertsona batek eta "animoa, maitasuna eta babesa" helarazi dizkie zaurituari, honen lagunei eta familiari. Eskaera zehatz hau egin du: "Lehenbailehen azalpen publiko argiak eman ditzatela arduradunek. Kargaren agindua emateko ardura nork izan zuen argitu eta neurriak hartzea". Larunbatean Tolosan mobilizazioa egingo dutela iragarri du.

Hainbat protesta deitu dituzte Tolosako polizia-kargak salatzeko

2024-02-12

16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.

Espainiako Gobernuak ez du hitza bete: Mozal Legeak indarrean jarraituko du

2023-03-15

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu behar" dela ziotenak orain Espainiako Gobernuan daude eta Mozal Legeak indarrean jarraituko du.

Begiz begi

2023-03-13

Urkulluk "sentitzen" du Nahuel Gomezi masailezurra hautsi izana Ertzaintzak, baina ez die ardurarik egotzi

2021-01-27

Iñigo Urkulluk asteartean adierazi du "sentitzen" duela Nahuel Gomezi gertatua. Ertzaintzak pilotakada batekin masail-hezurra hautsi zion Sansebastian egunez, lanetik etxera bidean zihoala. Naiz-en galderei erantzunez egin ditu adierazpen hauek, baina gertaera hauen ardura polizia agenteengan jarri beharrean, "osasun publikoaren aurka" egiten duten herritarrengan jarri du.

Egia zor diete

2020-07-03

Rosi Zarra donostiarra 1995eko ekainaren 30ean hil zen, 58 urterekin, Ertzaintzaren gomazko pilota batek sabelean jo eta zortzi egunera. Amara Berriko Bakearen Usoaren aurrean zauritu zuten, protesta batean istiluak sortu zirenean. Ertzaintzak ikerketa bat abiatu zuen Zarraren familiak salaketa jarri ondoren. Auzitegiko medikuek arrazoi naturalengatik zendu zela ondorioztatu zuten. Aldiz, Zarraren nefrologoak adierazi zuen pilotakadak eragindako infekzioarengatik hil zela. Epaileak soilik bertsio ofiziala hartu zuen aintzat, eta auzia artxibatu zuen.

Esquadra Mossoen jardueraren inguruko "inoizko barne-ikerketarik handiena" iragarri du Generalitateak

2019-10-29

Kataluniako poliziak inoiz izan duen "barne-ikerketarik handiena" izango dela adierazi du Kataluniako Gobernuko bozeramaile Meritxell Budók, El Mon hedabideak argitaratu duenez.

Absolbitu egin dute Atarrabiako gazte bati gomazko pilotarekin begia lehertu zion polizia

2019-10-03

Oso gertutik jaurtitako pilota baten ondorioz begi batetik erdi itsu geratu zen Aingeru Zudaire gaztea 2012an, greba orokor baten testuinguruan izandako protestetan. Orain, Nafarroako Lurralde Auzitegiak absolbitu egin du pilotakada eman zion Espainiako Polizia.

Masailezurra apurtzeagatik 200 euro baino ez

2019-08-10

Espainiar zein Frantziar burges diktadurei adierazpen askatasunak kalte egiten dienean, adierazpen askatasuna eta manifestazioak egiteko eskubideak debekaturik daude Euskal Herrian. Zer esanik ez, faxista ikusgarrienei babesa emateko bada, edozein gaia izanda ere. Matxinada faxistatik eta 1978 makillajetik datorren erregimenarekin gaurko Espainiak apurtu ez duenez, ezin da beste modurik izan.

Identifikatu dute Kataluniako erreferendumean gomazko pilota bat tirokatuz herritar bati begia kendu zion Espainiako Polizia

2019-06-19

2017ko urriaren 1ean Espainiako Poliziak tirokatutako pilotakadaren ondorioz begietako bat galdu zuen Roger Españolek. Iridia zentroak jakinarazi du tiroa egin zuen polizia identifikatu duela. Datuak Bartzelonako epaitegiaren esku jarri ditu.

Poliziaren pilotakada baten ondorioz begia galdu zuen Atarrabiako bizilagunaren epaiketa hasi da

2019-02-01

5 urteko kartzela zigorra eskatzen du Aingeru Zudaireren akusazioak Espainiako poliziaren kontra, gertutik tiro egin zuela argudiatuz. Fiskaltzak aldiz,absoluzioa defendatu du, polizi oldarraldia neurrikoa izan dela defendatuz. Zudairek azaldu duenez, 2012ko greba orokorraren protestean, Sarasate Pasealekuko lurrean, eserialdi batean zegoelarik jaso zuen pilota tiroa aurpegian. Distantzia laburretik egindako tiroak begia galduarazi zion “eta zentrimetro gutxirengatik” ez zuen bizitza galdu

Gomazko pilotak darabiltzaten poliziek bideo-kamera eraman beharko dute Frantziako Estatuan

2019-01-23

Christophe Castaner Frantziako Barne ministroak iragarri duenez, gomazko pilotak tirokatzeko armak erabiltzen dituzten polizia-agenteak larunbat honetatik aurrera bideo-kamera ere eramango dute, arma horiek nola erabiltzen dituzten erregistratuta gera dadin.

Iñigo Cabacasen senide eta lagunek epaiketan azpijokoa egon dela salatu dute

2018-11-16

Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.

Cabacas auzia: Epaiketa azken txanpan sartuta, eta bertsio kontrajarriak bere horretan

2018-11-06

Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.

Semea hil eta sei urte geroago, barkamena eskatu diete Iñigo Cabacasen gurasoei operatiboko sei ertzainetatik bik

2018-10-17

Iñigo Cabacas auziaren barruan epaitzen ari diren sei ertzainetatik bik barkamena eskatu diete hildakoaren gurasoei, astelehenean epaitegiko atean haiekin topo egin zutenean. Fina Liceranzuk, Cabacasen amak, kontatu du gertatutakoa.

Iñigo Cabacasen hilketaren gaineko epaiketa astelehenean hasiko da

2018-10-12

Ertzaintzaren pilotakadaz hil zen Iñigo Cabacas 2012ko apirilaren 5ean. Sei urte eta erdiren ostean, epaiketari bide emango zaio.

"Gomazko balak mundu guztiari debekatzea nahi dut, ez soilik Mossoei eta Katalunian"

2017-12-01

Urriaren 1eko Kataluniako autodeterminazio erreferendumean begi bateko ikusmena galdu zuenetik lehen aldiz mintzatu da publikoki Roger Español. Espainiako Polizia Nazionalak tiro egindako gomazko bala batek jota bizitza aldatu diote.

Nafarroako Foruzaingoak jada ez ditu gomazko pilotak erabiliko

2017-06-13

Foruzaingoaren jarduna eraberritu eta gomazko pilotak ez erabiltzeko erabakia bururaino eraman dute, Ertzaintzak eskainitako bi prestakuntza ikastaro jasoz eta material berria eskuratuz.

Cabacas auzia artxibatzeko Fiskaltzak egindako eskariak Iñigoren senide eta lagunen "erraiak erre" ditu

2017-05-09

Fiskaltzak Iñigo Cabacas auziaren artxiboa eskatu du. Albisteak "erraiak erre" dizkiela aitortu dute Iñigo Gogoan herri ekimeneko kideek, eta "argi eta garbi" errepikatu dute "Iñigoren erailketa ezin dela artxibatu".

Gomazko pilotak tirokatuz begi bat lehertzea "baimenduta" dago Kataluniako epaitegi baten arabera

2017-04-06

Ester Quintanaren kasuan gertatu antzera, Bartzelonako auzitegiek absolbitu egin dute Oscar Alpuente begi gabe utzi zuen Mossoa.

Manteroek horrela omendu dituzte Tarajalgo polizia-operazioan hildako 15 migratzaileak

2017-02-13

Hiru urte dira Ceutako Tarajal hondartzara igerian iritsi nahi zuten 15 migratzailek bizitza galdu zutela, guardia zibilek gomazko balak eta gas negar-eragilea jaurtitzen zizkieten bitartean.

Esther Quintana auzia: mossoen deklarazioen sinesgarritasuna kolokan

2016-05-31

Esther Quintanaren auzian “egia osoa” esan ez duten mossoak daudela onartu du komisario buru Josep Lluís Traperok El Matí de Catalunya Rádio saioan. Quintanak 2012ko maiatzaren 14ko greba egunean galdu zuen begia, mossoen jaurtigai baten kolpeak eraginda.

Absolbitu egin dituzte Ester Quintanaren kasuan auziperatutako bi poliziak

2016-05-27

Bartzelonako Auzitegiak argudiatu du ezin dela frogatu Quintanaren begian jo zuen tiroa beraiek bota zutenik, LaDirecta hedabideak zabaldu duenez.

Fiskalak 2 urteko espetxe zigorra eskatu du polizientzat, Ester Quintanaren auzian

2016-04-27

Akusazio partikularrak eskatu du bederatzi urteko kartzela zigorra ustez Ester Quintanari tiroa bota zion poliziarentzat, eta hori agindu zuenarentzat. Sententziaren zain geratu da epaiketa.

Gomazko piloten ordez bestelako jaurtigaiak erabiliko ditu Foruzaingoak

2016-04-15

Uda igarota hasiko dira foruzainak bestelako jaurtigailuak erabiltzen, apar biskoelastiko moldagarriz egindako kartutxoak, hain zuzen. Orotara, 35.000 euro inbertitu ditu exekutiboak, egun erabiltzen dituzten gomazko pilotak ordezkatzeko asmoz.

"Egoera kontrolpean" zegoela esan zuen ertzainak dio 'Ugarteko'-ren agindupean jardun zutela

2016-04-12

3.389 zenbakidun ertzainak Iñigo Cabacasen hilketagatiko epaiketan deklaratu du "Ugarteko" ezizenez ezagun den ertzain-burua izan zela 2012ko apirilaren 5ean operatiboan nola jokatu agindu zuena. Aurrez lekuko modura agertuta zegoen 3.389 zenbakiduna epaiketan, baina Cabacasen familiaren eskariz ikertu (inputatu) modura deklaratu du oraingoan. Gogoan hartu behar da Ugarteko ez dagoela inputatuta.

"Epaiketara heltzea garaipena da gomazko piloten biktimontzat"

2016-04-06

2012ko maiatzaren 14a greba orokor eguna zen. Bartzelonako manifestazioa bukatuta Ester Quintana etxerako bidean zela, Esquadra Mossoek jaurtitako gomazko pilota batek aurpegian jo eta ezkerreko begia galdu zuen. Lehen aldia da Katalunian halako auzi bat epaitegietara iristen dena eta apirilaren 11n bi polizia epaituko dituzte. Urteotan egindako lanari esker, pilota hauek debekatzea lortu dute, eta epaiketarekin bere bizitzako atal honi puntua jarri nahi dio. Puntu eta etena izango den erabakitzeko du.

Cabacas auzia, lau urte eta epaiketara ezin iritsiz

2016-04-06

Hiltzaileak libre jarraitzen du, hori da oraingoz argi eta garbi dakigun bakarra. Hau da, Iñigo Cabacas gaztea Bilbon duela lau urte gomazko pilota batez hil zuen ertzainak libre jarraitzen duela. Oraindik ez dakiguna da erailketa edo homizidioa izan zen. Epaiketak argitu beharko du hori.

Lasai ote da hiltzailea? Egin beharrekoaren kontzientzia ote du edo estu ibiliko da Manu Cababas eta Fina Lizeranzu Iñigoren gurasoak hedabideetan ikusten dituen bakoitzean?

Irudika... [+]

Cabacas hil zuen operatiboko buruak hildakoaren familiari 777.000 euro eskatu dizkio

2016-02-22

“Ugarteko” ezizena erabiltzen du Iñigo Cabacas gaztea hil zuten egunean Ertzaintzaren operatiboko buru zen pertsonak. Berak eskatuta, joan den ostegunean Bilboko 13. Instrukzio Epaitegian adiskidetze-ekitaldia egin zuten: “Ugarteko”k 777.000 euroko kalte ordainak eskatu dizkie Cabacas familiari, Garari eta Naizi.

Istiluak Korsikan, poliziak futbol zale bat larri zauritu ondoren

2016-02-17

Joan den larunbatean Sporting Club Bastiako zale bat larri zauritu zuen poliziak Reimsen. Begi bateko ikusmena galdu du zale korsikarrak eta gertakariek haserrea eragin dute.

200.000 euroko kalte-ordaina Katalunian gomazko pilotakadaz begia galdu zuen gazte bati

2016-02-03

Kataluniako Barne ministroak, Jordi Janék, “eragindako lesioengatik barkamena eskatzeko” eskutitza bidali dio Nicola Tanno gazteari, La Directa webguneak jakinarazi duenez.

Quintanak bederatzi urteko kartzela eskatu du pilotakadaz begia galdu zioten mossoentzat

2015-12-10

Ester Quintanaren abokatuek aurkeztutako akusazioan adierazi dute poliziek euren erabakiz, eta horrek dakarren arriskuaren jabe izanik egin zutela tiro. Fiskaltzak bi urteko kartzela zigorra eskatu du.

Nafarroako Foruzaingoak ez ditu gomazko pilotak erabiliko

2015-09-25

Nafarroako Legebiltzarrean atzo egin zuen agerraldian egin zuen iragarpena Maria Jose Beaumont Presidentzia, Funtzio Publikoa, Justizia eta Barne sailburuak.

Mossoek jaurtitako zerbaitek jota galdu zuen begia Quintanak, dio poliziaren abokatuak

2015-07-13

2012ko greba batean izandako istiluetan begia galdu zuen Ester Quintana bartzelonarrak. Orain “poliziak jaurtitako objektu batek” zauritu zuela esan du Esquadra Mossoen buruzagi baten abokatuak, La Directak publikatu duenez

Gomazko piloten erabateko debekua eskatu dute biktimek

2015-04-15

Gomazko pilotak guztiz debekatzeko eskatu diote Eusko Legebiltzarrari, Bilbon egindako prentsaurrekoan. Joseba Nafarrate, Xuban Nafarrateren aitak irakurri du eskaera, eta harekin batera agertu dira hedabideen aurrean Manu Cabacas eta Fina Liceranzu –Iñigo Cabacasen gurasoak–, 1995ean gomazko pilotakada batek hildako Rosa Zarraren alargun Xabier Irazusta, eta beste pilotakada baten erruz begi bat galdu zuen Mikel Quintela.

Xuban Nafarratek Ertzaintzaren kontra jarritako salaketa artxibatu dute

2015-04-01

Gazte gasteiztarrak 2012ko martxoaren 29ko greba orokorrean jasan zuen karga polizialaren eraginez izan dituen lesioengatik Ertzaintzaren aurka jarritako salaketa atzera bota du Arabako Probintzia Auzitegiak.

Cabacas auziko puntu ilunena argitzeko, Bilboko ertzainen "armagina" deklaratzera

2014-12-02

Cabacas auziko epailearen aurrean deklaratuko du Bilboko polizia-etxeko "armaginak" otsailaren 12an. Ertzaintzak gomazko pilotak jaurtitzeko erabiltzen dituen armak eta pilotak jasotzeaz, garbitzeaz eta erregistratzeaz arduratzen da postu horretan dagoen agentea, eta auziko puntu ilunak argitzen lagundu dezakeela uste du familiaren abokatuak.

Mossoek ukatu egiten dute oraindik Esther Quintanak gomazko pilota baten erruz begia galdu zuenik

2014-10-17

Amaitzear dago Quintanaren kasua aztertzen duen epaiketa. Esther Quintanak 2012ko azaroaren 14an Bartzelonan egindako greba batean gomazko pilotakadaz begi bat galdu zuela salatzen du. Mossoek diote ez zutela gomazko pilotarik jaurti Quintana bertan aurkitzen zen une eta tokian, baina fiskaltzak ez ditu Mossoen adierazpenak sinesten eta biak epaituak dituzte arduragabekeria delituengatik.

Poliziaren pilota-tiroz begia galdu zuen atarrabiarraren kasua artxibatzeak haserrea eragin du

2014-06-24

Aingeru Zudaire atarrabiarrak begia galdu zuen 2012an poliziaren pilotakada baten ondorioz. Epaileak kasua artxibatu du inor errudun jo gabe, agenteen karga “beharrezkoa eta justifikatua” izan zela argudiatuz. Hori salatzeko manifestazioa deitu dute ekainaren 26an, 19:00etan, Atarrabiako udal plazan.

Iñigo Gogoan plataformak 22.000 sinadura Aldekoa Ertzainburu izan ez dadin

2014-04-01

Iñigo Gogoan plataformak 22.000 sinadura aurkeztu ditu astelehenean EAEko Legebiltzarrean. Horien bidez eskatu dute Jorge Aldekoa, Iñigo Cabacas hil zen egunean Bilboko komisaldegiko buruzagia eta gaur egun Ertzaintzako burua, kargutik kentzeko. Larunbatean manifestazioa antolatu dute Bilbon gertakarien bigarren urteurrena hurbiltzen ari dela-eta.

Cabacasen heriotza ekarri zuen operatiboko arduraduna Ertzaintzako buru

2013-11-26

Eusko Jaurlaritzaren Segurtasun sailburu Estefania Beltran de Herediak berri eman duenez Jorge Aldekoa izanen da Ertzaintzako buru berria.

Cabacasen hilketa ikertzeko batzordea sortzeari uko egin dio Eusko Legebiltzarrak

2013-11-21

EH Bilduren talde parlamentarioak Iñigo Cabacas gaztearen hilketari buruzko ikerketa batzordea sortzeko proposamena eraman du Eusko Legebiltzarrera. Proposamena ez da aurrera atera, gainontzeko alderdi guztiek kontra bozkatu dutelako.

Hiru gai polizia eredua birpentsatzeko

2013-11-19

Kataluniako Parlamentuak gomazko pilotak debekatu ostean, Laia Serra eta Carla Vall abokatuek munizioaren eta polizia ereduaren inguruko analisia egin dute, Abokatu Penalisten Elkartearen izenean.

Mossoen gomazko piloten ordezkoa,
granada jaurtigailu baten egokitzapena

2013-11-08

Gomazko piloten ordez, Portugalgo ejertzitoak erabiltzen zituen granada subfusilen eratorriak erabiliko dituzte Esquadra Mossoek, La Directa astekariak dioenez. Kaleko istiluetan erabiltzeko egokitutako armak dira.

Katalunian gomazko pilotarik ez, baina munizio "sendoa" bai

2013-10-25

Kataluniako mossoek gomazko pilotak erabiltzeari utziko diote, CIUk hala erabakita. Ramon Espadaler Barne sailburuak azaldu du pilotak “bezain sendoa” den munizioa erabiliko dutela aurrerantzean.

Mossoen pilotakadaren ondorioz begia galdu zuen neskaren irudia iragarki bat egiteko erabili du Citroenek

2013-10-09

Ester Quintanaren baimenik gabe, Vigoko Peugeut-Citroenek haren irudia erabili du, segurtasunari buruzko kanpaina bat egiteko. Sare sozialetatik Citroen boikoteatzera dei egin dute.

Cabacasen hiltzailea identifikatzea “zaila” izango da EAEko fiskalaren ustez

2013-08-02

“Badakigu zein ertzainek tiro egin zuten eta zenbat aldiz, baina ez zein armatatik irten zen pilota”, adierazi dio EAEko Fiskal Nagusi Juan Calparsorok Diario Vasco egunkariari. Urtebete eta lau hilabete dira Iñigo Cabacas gaztea ertzainen pilotakada baten erruz hil zela eta kasua astiro ari da aurrera egiten.

Gomazko piloten auzia Estrasburgora eramango dute Kataluniatik

2013-07-19

Giza Eskubideen Europako Auzitegira emango du Gomazko Balak Stop elkarteak duela 12 urte Espainiako poliziaren pilotakada batekin begia galdu zuen Carlos Guilloten auzia. Gertaera 2001eko uztailaren 17an gertatu zen Kasa de la Muntaya gune autogestionatua hustu zuenean poliziak, Bartzelonako Gracia auzoan.

Esther Quintana: "Gomazko pilota baten azken biktima izan nahi dut"

2013-07-12

Esther Quintanak, iazko azaroan Mossoek jaurtitako pilota batengatik begia galdu zuen emakumeak, salatu du inork ez duela gertatutakoaren erantzukizunik bere gain hartu: "Gertatu zaidana edonori gerta dakioke, zure semeari, amari, bikotekideari".

Hiltzailea libre dabil

2013-04-11