2020an ikusteko zortzi telesail gomendagarri

  • Jarraian ARGIAko erredakzioko kideok gomendatzen dizkizugun zenbait telesail.

ARGIAko erredakzioaren telesail gomendioak.

2020ko abuztuaren 02an - 17:41

Fleabag
Erresuma Batua, 2016
6 ataleko 2 denboraldi

Fleabag Londresen bizi den emakume lotsagabea da eta lagun mina zendu ondoren krisialdian bizi da. Konformagaitza da, berekoia, kaotikoa eta, batez ere, dibertigarria. Drama-komedia hau “laugarren horma” apurtzeagatik egin da ezagun; ikusleari zuzenean mintzatzen zaio protagonista, ahoan bilorik gabe. Maitane Gartziandia.

Ikusi trailerra gaztelaniaz | Ikusi trailerra frantsesez

* * * * * * * * * *
 

Succession
AEB, 2018
10 ataleko 2 denboraldi

Logan Roy mundu mailako enporioa eraiki duen familia izugarri aberatseko aita da, erraz izan liteke Rupert Murdoch. Telesailaren hasieran, garuneko isuria izango du, eta seme-alaben artean enpresa eskuratzeko lehia hasiko da. Oso sinesgarria. Lander Arbelaitz

Ikusi trailerra gaztelaniaz | Ikusi trailerra frantsesez

* * * * * * * * * *
 

1992, 1993, 1994
Italia, 2015
8-10 ataleko 3 denboraldi

Ustelkeriagatik Italiako sistema politikoa pikutara joango zela zirudien 1990eko hamarkadako hasieran. Garai hori du ardatz 1992 telesailak (bi denboraldi gehiago ditu, 1993 eta 1994). Berlusconi fenomenoa azaltzeaz gain, botereaz eta giza kondizioaz hitz egiten digu lan honek. Gorka Bereziartua

Ikusi trailerra gaztelaniaz | Ikusi trailerra frantsesez

* * * * * * * * * *
 

Bron / Broen
Suedia, 2011
10 ataleko 4 denboraldi

Nordic noir bat. Irudien iluntasuna eta protagonisten hoztasuna nahasten dituen thrillerra. Danimarka eta Suediaren arteko zubian zatituta agertutako hilotz batek bi detektibe elkartu ditu: Martin eta Saga, kode sozialetatik kanpo dabilen emakume atipikoa. Epero ez den hori guztia, eta gehiago. Eneritz Arzallus Alustiza

Ikusi trailerra ingelesez

* * * * * * * * * *
 

The Deuce
AEB, 2017
8-9 ataleko 3 denboraldi

70eko hamarkadaren alderik ilunenak AEBetako Times Squaren. Pornoaren industria nola legeztatu zen kontatzen du garaiko errealitatea gordin erakutsiz: HIESa, drogak eta etxebizitzaren merkatuaren gorakada. David Simonen lan guztietan bezala, apaingarri gutxi eta errealitatea sobera hemen ere. Eneritz Arzallus Alustiza

Ikusi trailerra gaztelaniaz | Ikusi trailerra frantsesez

* * * * * * * * * *
 

When They See Us
AEB, 2019
4 ataleko denboraldi bat

1989an abiatzen da historia, New Yorkeko Central Parken. Bost gaztetxo afroamerikarri emakume zuri bat bortxatu eta hiltzen saiatu izana leporatu diete, muntaia baten bidez. AEBetako arrazakeria instituzionalizatuaren aurrean jarriko gaitu, auzia berriro mahaigaineratu den egunotan. Mikel Eizagirre

Ikusi trailerra gaztelaniaz | Ikusi trailerra frantsesez

* * * * * * * * * *
 

Wasteland
Txekiar Errepublika, 2016
8 ataleko denboraldi bat

Txekiako Pustina herri txikia erosten eta suntsitzen ari da ikatz-meatzaritzako enpresa bat. Horrek talka sortzen du herritarren artean. Batetik, dirua egin eta beste leku batean bizitza hobea eraiki nahi dutenak daude; eta bestetik, herriko ohiko bizimoduari eutsi nahi diotenak. Axier Lopez

Ikusi trailerra ingelesez

 

* * * * * * * * * *

 

Eden
Alemania, 2019
6 ataleko denboraldi bat

Gurutzatutako bost istorioren bitartez, errefuxiatuen krisi globalari ertz ugaritatik eusten dion telesaila. Fokua migratzaileengan bezalaxe harrera egitea dagokienengan ere jartzen da, bistaratuz, besteren artean, nola ari den Europa errefuxiatuen kudeaketaz negozioa egiten. Amaia Lekunberri
 

Ikusi trailerra ingelesez


Kanal honetatik interesatuko zaizu: Aktualitatearen Gakoak 2020
2020-08-02 | Z. Oleaga
Eta hurrengo konfinamenduan, zer?

Aurreko konfinamenduaren digestio politiko, ekonomiko edo emozionala egin gabe gaudela oraindik, uda ostean berriz ere antzeko neurriak ezarriko dizkigutela aurreikusten duten ahotsak gero eta ugariagoak dira. Zer gertatu da martxoa eta ekaina artean alor ekonomikoan, politikoan... [+]


2020-08-02 | ARGIA
2020an ikusteko zortzi film gomendagarri

Jarraian ARGIAko erredakzioko kideok gomendatzen dizkizugun zenbait filme.


Antonio Aretxabala, geologoa
“Egun autoa duten 500 pertsonatik bakarrak izango du etorkizunean”

Joan Josep Boch ekonomialariari maiatzean egin genion elkarrizketan berak zioen lagun baten esanetan planetak ez zuela negoziatzen, eta ekonomiaren uzkurtzea bai ala bai etorrriko zela. Geroxeago jakin genuen lagun hori Aretxabala zela. Uztail hasieran aurkeztu zen Sustrai... [+]


2020-08-02 | ARGIA
2020an irakurtzeko hamasei liburu gomendagarri

ARGIAko erredakzioko kideok ondoko hamasei liburuak proposatzen dizkizuegu udarako eta udazkenerako.


Eta COVID-19 OGM bat baldin bada?

Mundua astindu duen SARS-CoV-2 saguzarren birus baten mutazio natural bat ote da –gizakiak azken hamarkadetan munduko leku askotan  ingurumenean eragindako transformazio larriei lotua ziurrenik, alde horretatik ere gizakiak probokatua– ala tartean zientzialariek... [+]


Eguneraketa berriak daude