Eskubide sozialen karta

Trantsizio ekosozialaz hausnartzeko topaketak antolatu ditu Euskal Herriko Eskubide Sozialen Kartak

2023-09-14

Su txikien itsasoa deituriko topaketak antolatu dituzte irailaren 30erako Ozaetan (Araba). Gizarte mugimenduko eragile guztiei luzatu diete gomita, "harremanak estutzeko", "sinergiak sortzeko" eta elkarren arteko "zoru komun eta erronken" inguruan gogoetatzeko asmoz.

Trantsizio ekosoziala elkarrekin pentsatzeko hitzordua proposatu du Euskal Herriko Eskubide Sozialen Kartak

2023-06-15

Irailaren 30ean Ozaetako GaraiON Sorgingunean "Su Txikien Itsasoa" ekimena burutko dute, konfluentzia espazio izan nahi duena. Eragile ezberdinen arteko aliantzen garrantzia nabarmendu dute.

Nafarroako 2023rako aurrekontuek ez diote gizartearen pobretzeari aurre egiten, Eskubide Sozialen Kartak salatu duenez

2022-12-22

Eskutitza osatzen duten erakundeek kontzentrazioa egin dute Nafarroako Parlamentuaren aurrean, Aurrekontu hauei ez! Pobretzearen aurrean, erreforma fiskala lelopean.

Aberastasunaren banaketa exijitu dute milaka lagunek, eragile sozial anitzek deituta

2022-11-21

Euskal Herriko Eskubide Sozialen Kartak deituta, manifestazioak egin dituzte larunbatean Donostian, Bilbon, Iruñean eta Gasteizen. 15.000 lagun baino gehiago bildu dira, eta aberastasunaren banaketa, bizitza duinak eta prezioen kontrola exijitu diete Eusko Jaurlaritzari eta Nafarroako Gobernuari. Euskal Herriko langileen erdiak ez dira 1.400 euroko soldatetara iristen eta pentsiodunen herenak ere 1.000 euro baino gutxiago jasotzen ditu. Emakumeak dira kaltetuen, oro har, genero arrakala %27koa delako soldatetan, eta %37koa pentsioetan.

2008an baino 103.000 herritar gehiago daude pobrezian, eta urriagoak dira zerbitzu sozialak Eskubide Sozialen Kartak salatu duenez

2022-11-11

Eskubide Sozialen Kartak deituta diru sarrera duinen aldeko ekimena egin dute Bilbon eta Iruñean. 1.400€ko gutxieneko soldatak eta 1.260€ko gutxieneko pentsioak exijitu dituzte. Adierazi dutenez, 2008an baino 103.000 herritar gehiago daude pobrezia egoeran 2021ean, alegia, %44 gehiago.

Ez da inflazioa pobre egiten gaituena

2022-10-21

Maiatzaren 26an karrikak hartzeko deia egin du Eskubide Sozialen Kartak

2022-05-05

Mobilizazioak Gasteizen, Bilbon, Donostian eta Iruñean izanen dira, “soldaten, pentsioen eta gizarte prestazioen erosahalmena defendatzeko”.

"Ez dugu irudikatzen Amazonen praktikak noraino iristen diren"

2021-09-21

Merkatua tenkatu eta bereganatzeko Amazon zer egiteko prest dagoen –eta zer egiten duen– ba al dakigu benetan? Pentsatu al dugu kontsumo eredu horrek ekartzen dituen kalteen inguruan? Horri buruz gogoetatzeko solasaldia antolatu du Behe Bidasoako Eskubide Sozialen Kartak, Oiartzunen Amazonek egoitza irekitzeko asmoa agertu duela-eta. “Soluzioak egon badaude, baina denon artean eraiki behar ditugu”.

2020ko urtarrilaren 30eko greba orokorraren harira auzipetutako kidearen absoluzioa eskatu dute Gasteizen

2021-06-02

Iazko urtarrileko greba orokorrean parte hartu zuen pertsona bat epaitu dute ostegunean Gasteizko Epaitegietan. Autoritatearen aurkako atentatua eta lesioak leporatzen dizkiote, eta hemezortzi hilabeteko espetxe-zigorra eta kalte ordainak eskatu. Euskal Herriko Eskubide Sozialen kartak adierazi du aldaketa soziala kriminalizatzeko saiakerari erantzuten diola auzibideak.

Eskubide Sozialen Kartak EAEko aurrekontuak arbuiatu ditu Legebiltzarrean

2021-02-12

Eusko Legebiltzarra inguratu du Euskal Herriko Eskubide Sozialen Kartak, barruan eztabaidatu eta onartu den aurrekontu proiektuaren kontra protesta egiteko. "Aurrekontuak ez datoz bat herritarren lehentasunekin", salatu dute.

Milaka pertsona atera da kalera EAEko hiriburuetan Jaurlaritzari "errealitateari erantzuten" dioten aurrekontuak eskatzeko

2020-12-14

Abenduaren 13an milaka pertsona atera dira kalera Bilbo, Donostia eta Gasteizen, Euskal Herriko Eskubide Sozialen Kartak egindako deialdiari erantzunez, Jaurlaritzari aurrekontu sozial, parte hartzaile eta burujabeak eskatzeko. Azaroan Nafarroan mobilizatu ondoren, EAEn abiatutako dinamika mobilizatzailearen azken mugarria izan da, Jaurlaritzak EAEko aurrekontu-proiektua abenduaren 17an aurkeztu aurretik.

Zaldibarko hondamendiaren auzian Herri Akusazioa aurkeztuko dute

2020-10-06

Euskal Herriko Eskubide Sozialen Kartak eta Zaldibar Argitu plataformak “kalean erakutsitako kezka eta indarra epaitegietara eramateko garaia” dela azaldu dute. Erantzukizun “zehatzak” argitzea eskatuko dute herri akusazioan.

Politika neoliberalak eta distantzia soziala

2020-07-08

Legegintzaldi bat baina gehiago egin beharko genuke atzera, Eusko Jaurlaritzaren eta gehiengo sindikala osatzen duten ELAren eta LABen arteko ezin eramana analizatzeko. Baina ondorio bat garbia da: agintari politikoen eta langileen ordezkarien arteko arrakala handitzen ari da urtetik urtera. Eta bistan da, baita ere, alde batek bestearen eragiteko gaitasuna mugatzeko maniobratu duen neurrian, beste horrek kalera jo behar izan duela eragile sozialen laguntzaz denon eskubideak aldarrikatzera, U-30ean ikusi genuen gisan.

Zerbitzu publikoen alde mobilizazioak deitu dituzte ekainaren 19an Hego Euskal Herriko hiriburuetan

2020-06-10

Publikoa eta funtsezkoa zaindu, aberastasuna banatuz. Lehenik bizitza! lelopean mobilizazio anitzak deitu ditu Euskal Herriko Eskubide Sozialen Kartak ekainaren 19an Hego Euskal Herriko lau hiriburuetan.

Nafarroa suspertzeko plan sozial baten aldeko bizi martxa egingo dute bihar

2020-05-28

Eskubide Sozialen Kartak deitu du mobilizaziora. Kartan bildutako eragile eta sindikatuek dokumentu bat osatu dute, “pertsona guztiak eta haien eskubideak erakundeen politiken helburu izan daitezen ezinbestekoak diren hainbat neurrirekin”.

Eraldaketa sozialerako lehentasunezko hamar neurri proposatu ditu Eskubide Sozialen Kartak

2020-04-21

“Alarma egoeran hartu diren neurriek are eta ikusgarriago egin dute gehiengoaren kontra eta gutxiengo baten aldeko logikan oinarritzen den sistema honek ez duela funtzionatzen”, dio Euskal Herriko Eskubide Sozialen Kartak. Lehentasunezko hamar aldarrikapen sozial egin dituzte.

Eredu komunitario eta kolektibo bat eratzeko aukera sortu dela adierazi du Euskal Herriko Eskubide Sozialen Kartak

2020-03-20

Koronabirusagatik Frantziako eta Espainiako gobernuek ezarritako neurri zorrotzen aurrean burujabetza aldarrikapena inoiz baino beharrezkoagoa dela adierazi du Eskubide Sozialen Kartak.

Aurrekontu sozial eta duinak, U-30ean greba egiteko beste arrazoi bat

2019-12-17

Eusko Jaurlaritzak prestaturiko 2020ko aurrekontuen kontra zientoka lagun irten dira kalera Gasteizen, urtarrilaren 30erako deiturik dagoen greba orokorraren aldarrikapenekin bat eginez. Asteartean gauza bera egingo dute Iruñean.

Urtarrilaren 30ean deitu dute greba orokorra

2019-11-26

Urrian iragarri zuten greba orokorraren eguna zehaztu dute asteartean Bilbon. Pentsio eta bizitza duinen aldeko lanuztea izango da.

Greba Orokorra 2020ko urtarrilean "lan, pentsio eta bizitza duinaren alde"

2019-10-23

Sindikatuak eta eragile sozialak elkartzen dituen Euskal Herriko Eskubide Sozialen kartak greba orokorrerako deia egin du. 2020ko urtarrilean izango da, bigarren hamabostaldian. Pentsio duinen aldeko borroka, kalitatezko enpleguaren aldekoa eta eskubide sozialen aldekoa uztartu nahi dituzte mobilizazio berean.

PPri esker onartu dute tramitera EAJ eta PSEren Diru Sarrerak Bermatzeko Errentaren erreforma

2019-06-28

PPren abstentzioak EAJ eta PSEren lege proposamena tramitera onartzea ahalbidetu du. EH Bilduk eta Elkarrekin-Podemosek aurka bozkatu dute. Euskal Herriko Eskubide Sozialen Kartak legebiltzarrak emandako urratsa kritikatu du.

Kantatzen duen herria

2019-02-26

Polaroid kamera batekin hiru klik, hiru egia eta hiru errealitate. Bat: Diru-Sarrerak Bermatzeko Errentaren jasotzaileen %20 langile pobreak dira eta soldata hutsalen osagarri gisa jasotzen dute laguntza. Bi: onuradunen laurdenak pentsio miserableak osatzeko jasotzen dute. Hiru: jasotzaile guztien %45 emakumeak dira. Kamerak hartutako istant hauek oso errotuta dagoen errealitatea marrazten dute.

DSBE (Diru-Sarrerak Bermatzeko Errenta) honezkero sigla aski ezaguna dugu. Horrek gutariko... [+]

Pobreziari aurre egiteko eztabaidari EAJ-PSE-PPk atea itxi izana salatu dute kalean

2019-02-13

Pobreziari eta bazterketa sozialari aurre egiteko 51.000 herritarrek sinaturiko proposamena atzera bota zuten EAJ, PSE eta PPk joan den astean, Eusko Legebiltzarrean. Bizitza duina aldarrikatuz eta eztabaida publikoari aterik ez ixteko eskatuz, manifestazioa egin dute Bilbon.

Gasteizeko Legebiltzarrak ez du aintzat hartu pobreziaren aurkako Herri Ekimen Legegilea

2019-02-07

Euskal Herriko Eskubide Sozialen Kartak aurkeztutako pobreziaren aurkako eta diru sarrerak bermatzeko errentaren aldeko Herri Ekimen Legegilea (HEL) atzera bota du Eusko Legebiltzarrak, "EAJk, PPk eta PSOEk entzungor egin ostean 51.000 herritarri", Steilas sindikatuak salatu duenez.

Eskubide Sozialen Kartak babesa agertu dio Melillara doan Karabanari

2017-07-12

Uztailaren 14an Mugak Zabalduz Karabana abiatuko da Melillarantz, etorkinek eta errefuxiatuek Europako Hego Mugan pairatzen duten giza eskubideen "urraketa sistematikoa" salatzeko. Hori dela-eta Euskal Herriko Eskubide Sozialen Kartak agerraldi publikoa egin du Bilbon, ekimen honi bere babesa eta elkartasuna adierazteko.

Mikel Noval: "AHTa egiteko 10.000 milioi euro bideratzea ez da lehentasun bat"

2017-07-04

Ekainaren erdialdean ELAko kongresuan Mikel Noval deustuarra berriz aukeratu zuten Gizarte Politikako, Azterketa Bulegoko eta Ingurumeneko arduraduna izateko. Beste lau urtez jardungo du karguan eta bere bulegoan hartu gaitu Indarberritzen leloa zeukan kongresuaz eta kongresuaren ondorioez berba egiteko.

650 euro nahikoak al dira duin bizitzeko?

2017-06-02

Diru Sarrerak Bermatzeko Errentaren erreformaren gainean azalpenak ematen ari zela, 650 eurorekin duin bizi daitekeela esan zuen asteazkenean Beatriz Artolazabal Eusko Jaurlaritzako Enplegu sailburuak.

Eskubide Sozialen Kartak mobilizazioak deitu ditu "eskubide sozialen murrizketa" salatzeko

2017-05-30

"Murrizketa hauek dira Babes Sozialerako sistema eraisten ari direnak. Gero eta jende gutxiago babesten du eta prestazio gero eta baxuagoak eskaintzen ditu", salatu dute. Pobrezia sortzen duena prekarietatea dela azaldu dute.

TTIP eta CETA akordioen aurkako mobilizazioak larunbatean Hego EHko hiriburuetan

2016-11-04

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.

Kultura politiko berri baten erakusleihoa

2015-10-24

Jendetza bildu zen larunbatean Bilbon, Euskal Herriko Eskubide Sozialen Kartak sustatutako eta hamaika eragileren atxikimendua jasotako Alternatiben Herrian (160 eragile inguruk egin dute bat deialdiarekin). "Erakusten ari gara bizi gaitezkeela beste era batera, kontsumoaren alorrean, energiarenean, hezkuntzarenean, elikadurarenean...".

Alternatibak badirela erakusteko, hiria herri bihurtuko da Bilbon

2015-10-24

Bestelako mundua posiblea bakarrik ez, egingarria ere badela erakutsi nahi dute larunbat honetan Bilbon antolatu duten Alternatiben Herrian. Euskal Herriko eragile sozial askoren topaleku, aurrerantzean denen artean sor ditzaketen dinamiken abiapuntu izan liteke.

Aldaketa sozialaren alde manifestazio koloretsuak egin dituzte

2015-03-16

Larunbatean Bilbon eta Iruñean manifestazioak egin dituzte aldaketa soziala aldarrikatzeko. 10.000 pertsona inguru gerturatu dira Euskal Herriko Eskubide Sozialen Karta idatzi duten eragileek deituta.

Eskubide Sozialen Karta jendaurrera, bi manifestazio koloretsurekin

2015-03-13

Euskal Herriko Eskubide Sozialen Karta idatzi duten eragileek deituta, manifestazioak egingo dira larunbatean (martxoaren 14an) Bilbon eta Iruñean, “Aldaketa soziala orain! Alternatibak baditugu” leloarekin.

Euskal Herriko Eskubide Sozialen Karta idazten amaituko dute larunbatean

2014-05-29

Euskal Herriko Eskubide Sozialen Karta idazteko prozesua larunbatean amaituko da Bilboko Lan Ekintzaren egoitzan. Eredu ekonomiko eta sozial berri bat lortzera bidean, herritarren partaidetza oinarri izan duen prozesu baten emaitza izango da.

Hileta-martxa Iruñean eskubide sozialen alde

2013-10-30

Iruñerriko Langabetuen Kolektiboak hileta-martxa antolatu du azaroaren 1ean -Santu Guztien egunean- 13:00etan Merkaderes kaletik abiatuta. Herritar askok bizi duten pobrezia egoera eta Espainia eta Nafarroako gobernuen murrizketa politikak salatzeko asmoz egin dute deialdia.

Euskal Herriko eskubide sozialen kartaren lehen zirriborroa onartu dute

2013-10-07

Euskal Herriko eskubide sozialen karta sortzeko hirugarren asanblada egin zuten hainbat eragile sozialek eta sindikalek igandean Donostian. Bertan, kartaren lehen zirriborroa onartu zuten.