Mary Clark sufragista hil zen Londresen
1910ko abenduaren 25ean,
Mary Clark sufragista hil zen Londresen. Emmeline Pankhurst ekintzaile ezagunaren ahizpa zen. Emakumeen boto eskubidea eskatzeko azaroaren 18an parlamentura eginiko manifestazioan Poliziarekin izandako liskarretan jipoitu zuten, eta lau egunera atxilotu egin zuten kristalak haustea egotzita. Hollowayeko espetxean hilabetez izan zuten. Abenduaren 23an askatu zutenean beste hamalau sufragistarekin batera, bere osasuna oso kaltetua zegoen presoaldiko tratu txarren ondorioz. Eguberri eguneko otorduetako batean mahaia utzi, eta bere ahizpak koman aurkitu zuen logelan. Ordu gutxira hil zen. Sufragistena emakumeen botoa eskubidea lortzeko borrokarako antolatu ziren emakumeen mugimendua izan zen.
Iturria:
Diane Atkinson, Rise up, woman! The remarkable lives of the Suffragettes (Bloomsbury).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
